Bilushi i Metës u kënaq dje duke parë intervistën e komandantit të Gardës më 21 janar.
Për kënaqësinë e lexuesit ai postoi pyetje përgjigje nga intervista.
Fevzo: Zoti Komandant. Tani kam një pyetje që duhet ti përgjigjesh sinqerisht me “Po” ose me “Jo”.
A keni vrarë më 21 janar?
Komandanti: Jo.
Fevzo: Bravo. Kjo është dëshmia e parë që jep ish- komandanti i Gardës lidhur me akuzat për vrasje.
Tani kam dhe një pyetje tjetër. A je ke ndërru shulin pistoletës pas ngjarjes, siç thuhet?
Komandanti: Jo.
Fevzo: Shumë interesante. Dhe kjo dëshmi jepet për herë të parë këtu në emisionin “Opinion”.
Një pyetje tjetër që lidhet me këtë. Ndonjë nga shokët tuaj a jeni të sigurt që nuk ka vrarë demonstrues?
Komandanti: Jam i sigurtë. Askush nuk ka vrarë.
Fevzo: Kjo është dëshmi befasuese që mund të ndryshojë gjithë historinë e “21 janarit”.
Zoti komandant a mund të më thuash me “Po” ose me “Jo”, a ju ka urdhëruar Sali Berisha të qëlloni mbi turmë?
Komandanti: Jo, në asnjë mënyrë.
Fevzo: Kjo është dëshmi interesante, se Berisha ka thënë kam pas dhënë urdhër të qëllohet.
Komandanti: AI ka dhënë, por ne nuk e kemi zbatuar, se nuk donim ta kompromentonim.
Fevzo: Zoti komandant dhe një pyetje të fundit dhe jemi pranë zbardhjes së “21 janarit”.
Kush i vrau ata protestuesit?
Komandanti: Ata u vranë nga plumba, por plumbat nuk ishin tanët.
Fevzo: Faleminderit zoti komandant.
Me këto dëshmi për herë të parë në “Opinion” çështja e “21 janarit” zbardhet plotësisht.
Faleminderit për dëshmitë e rëndësishme.