Ylli Manjani, një figurë që po degradon ashtu si parti që e ka promovuar, e si gjthmonë sikurse promovon dhe fut në gjirin e saj gjithë mbetjet që i’a hedh në rrugë Partia Socialiste tani ka filluar të bëhet luan duke mos qenë as langua. A e dini pse ?!
Tashmë Ylli Manjani duket se është një nga kandidaturat për Tiranën, që Lulzim Basha dhe Monika Kryemadhi po e qarkullojnë si emër, më shumë për t’i bërë Veliajt dhuratën e radhës.
Madje Ylli tani ka fillur të shprehet i bindur për fitoren ndaj Veliajt që vetë e deklaron me miqtë, duke deklaruar se është thirrur nga Monika Kryemadhi dhe Lulzim Basha, që i kanë propozuar të kandidojë në garën për Tiranën, por ai ende nuk ka vendosur.
Në fakt e gjitha kjo duket të jetë një tallje e radhës që bëhet me “Yllin” e LSI-së, të cilin e mbajtën disa muaj ministër dhe më pas e përzunë me shkelma për shkelje të rënda ligjore dhe për t’i hapur rrugë të “famshmit” Petrit Vasali, sepse gjatë kohës që drejtoi ministrinë e Drejtësisë i plasi skandali i licensave të noterëve, pasi në konkursin që ai zhvilloi shpalli fitues persona me preçedentë penalë, familjarë të kabinetit të tij.
Gjthjashtu mbi Yllin e Ilirit dhe yllin e Monikës Petrit Vasali rëndon afera 2 milion euro me byzylykët e shërbimit të provës të cilët rezultuan të prishur dhe nuk u dorëzuan dhe u provuan kurrë. Një vepër e rëndë penale në Ministrinë e Drejtësisë, që u mbyll në menyrë skandaloze nga gjykatat e KLD-së, një tjetër strehë e korrupsionit dhe e të poshtërve në Shqipëri.
Ylli Manjani u akuzua edhe për një shtëpi që kishte blerë tek pronat e Balilit, apo tek vëllezërit e tij në Sarandë, për të cilën ai prentendonte se nuk ishte tek prona e Balilit. Ish-ministri pretendon se është e njëjta godinë, por në truallin e një tjetër firme ndërtimi e cila tani është nën sekuestro konservative deri kur të sqarohet pronari i vërtetë.
Pasi u largua nga detyra e ministrit të Drejtësisë, ai ka filluar një luftë të ashpër me kryeministrin Rama duke lehur vend e pa vend sepse nuk ka kolibe sepse është i larguar nga të gjitha strukturat e LSI-së. I inatosur së shumti sepse e kishin nxjerrë me shqelma nga qeveria, më pas në zgjedhjet e vitit 2017 tregoi edhe vlerat që kishte për Monën, Ilirin dhe LSI-në, ata e vendosën të shtatin në listën për Tiranën dhe më pas u tha se ishte vetë Manjani që e kishte refuzuar.
Tani njeriu që Ilir Meta nuk e vuri as në lista në 2017-ën, është kthyer në “Yllin” e Lulit dhe Monikës. Ndoshta në “Yllin” humoristik që i duhet ose si “qokë” ndaj Erjon Veliajt, ose si në rastin e 2017-ës, kur nuk e vunë as në listat fituese të kandidatëve për Tiranën opozita e degraduar dhe e çorientuar nuk mund të marri as 5n këshilltar e jo më bashkinë.