Skënder Sallaku lindi me 25 janar 1935 ne Tiranë dhe vdiq më 11 shkurt 2014 po në Tiranë.
E ka nisur karrierën e tij si artist cirku, por ndërkohë ishte edhe një nga emrat e njohur në sportin e mundjes. Fillimet në artin e cirkut janë në lëvizjen amatore, pranë Pallatit të Kulturës “Ali Kelmendi”.
Në vitet 1954-1955 aktivizohet me grupin e Estradës së Kufirit si aktor.
Në vitet 1959–1960, shpallet kampion kombëtar në mundje. Në shtator të vitit 1957, hyn si aktor në Estradën e Shtetit, ku aktivizohet deri në fund të vitit 1990, kohë kur del në pension. Gjatë karrierës së tij, Skënderi ka meritën e të qenët klouni i parë, i Cirkut shqiptar, ku është shfaqur në tablo të ndryshme akrobatike, në numra zhonglimi, numra me kafshë, kombinime biçikletash, tablotë me pedana etj.
Ka interpretuar si pantomimist “Karrigia”, “I vdekuri”, “Busti”, Boksi”, “Kuzhinieri” e mjaft të tjera. Ka kryer një kualifikim njëvjeçar në Kinë, pranë cirkut të Pekinit. Në grupin akrobatik punoi deri në vitin 1972, kur Cirku i Tiranës u shkëput nga Estrada e Shtetit.
Është vlerësuar me tituj “Artist i Merituar”, “Artist i Popullit” dhe “Mirënjohja e Qytetit të Tiranës”.
Filmat:
• Oreksi i madh (1995)
• Revolja e humbur (1995)
• Gjuetia e fundit (1992)
• Cirku në fshat (1977)
• Kur hiqen maskat (1975)
• Estrada në ekran (1968)