Belind Këlliçi vazhdon t’i bjerë tambureve të shërbimit urban falas, megjithëse i është thënë me qindra herë që të largohet nga tallja e qytetarëve.
Por Belo nuk heq dorë, madje ngul këmbë si mushka, që është i realizueshëm dhe një risi që do të “kënaq” popullin, edhe ata do të turren drejt kutive të votimit, për të votuar gomarin e Belos… që do na kolovis falas.
tipobet
Falas mund të udhëtosh vetëm me gomar ose mushkë, edhe këto nëse i ke tuajat dhe i ke ushqyer mirë në haurin tënd, sepse nëse si ushqen, do të ngelte edhe barra e druve në kurriz, sepse veshgjati do i kthente këmbët nga dielli
Nuk besoj, se haurët e Saliut dhe të Ilirit të kenë kaq shumë gomerë që do na shëtisin lart e poshtë me tagjinë e blerë bashkë me komshiun, që nuk ka dëshirë kurrë t’i hipi gomarit, se i ka aq shumë fobi, sa është gati ta mbaj gomarin mbi kurriz. për ta larguar nga habitati i tij.
Kështu që, qytetarët nuk besoj të jenë të gjithë të lumtur të paguajnë për të ushqyer gomerët për të pëllitur, kur për tu hipur nuk e kanë ndërmend kurrë.
Ndaj Belo të zgjohet nga gjumi, sepse koha po mbaron dhe gongu ka rënë kahera, për të gjithë ata që mendojnë, se mund të tallen e gënjejnë në shekullin e dixhitalizmit me transport urban dixhital… falas.
Siç thashë, asgjë nuk është falas, aq më tepër shërbimet dhe të heqësh miliona euro nga xhepi i taksapaguesve për tu mburrur sikur po zhvillon qytetin… është vërtetë një humor i zi i kandidatit klloun, që mirë se nuk ka asnjë program, por do të na heq edhe ato shërbime që kemi, duke na e kthyer Tiranën në një shurrëtore të madhe, siç na e lanë katër paraardhësit e tij: Malasi, Kelmendi, Broja dhe Basha.
Më skandaloze dhe e paturpshme është mburrja e Belos me budallallëkun e tij, se nuk do paguajmë asnjë lek për pastrimin e Tiranës, sepse do i’a japim… autobuzit.
Belos i ka ngelur shumë pak kohë edhe ditë ta ndryshoi gënjeshtrën, sepse duhet të kuptoj që nuk ka asnjë shërbim falas në kapitalizëm dhe të mos deklaroi se programi i tij që nuk ekziston, nuk është populizëm… kur në fakt është komunizëm, sipas sloganit “një për të gjithë e të gjithë për një”./Ekskluzive.al