Kryetarja e LSI Monika Kryemadhi ka uruar festën e Shenjtë të Abaz Aliut. Kapur për dore me Baba Mondin dhe e shoqëruar nga e pandashmja e saj nga malet e Skraparit Elona Guri, Monika ka shkuar në Malin e Tomorit nga ku ka dhënë edhe një mesazh për COVID-in.
Kryemadhi ka kryer ritin e faljes te varret e dervishëve të teqes së Abaz Aliut dhe ka dhënë edhe një mesazh urimi për të gjithë shqiptarët.
Krahas riteve që Kryemadhi i ka kryer me devotshmëri, në një deklaratë për mediat në dalje të teqes, ajo ka thënë se nuk e njeh virusin.
“Dua t’ju uroj të gjithë besimtarëve bektashinj dhe të gjithë popullin shqiptar që gjithë ajo mbarësi që Abaz Aliu të rikthehet dhe njëherë për t’u sjellë shqiptarëve më shumë begati, më shumë punësim, një jetë më të qetë, dhe garanci për fëmijët.
Për të ruajtur familjen që është e shenjtë. Zoti i ndihmoftë shqiptarët. Unë nuk e njoh COVID-in. Kush beson në Zot, do të jetojë i lumtur pa COVID” -tha Kryemadhi.