Kanë rinisur mëngjesin e sotëm sërish kërkimet për të riun, që humbi një ditë më parë në ‘Shpellën e Pëllumbasit’, në Tiranë. 20-vjeçari Xhorxho Seferi ra nga lartësia teksa po ecte mbi shkëmbinj, së bashku me 21-vjeçarin Fabio Dukagjini, i cili fatmirësisht u nxor dhe është në gjendje të mirë.
Ndërkohë, 20-vjeçarin dyshohet se e ka marrë rrjedha e ujit. Ekipet e polumbarëve kanë rinisur kërkimet në lumin e Erzenit për të gjetur trupin e 20-vjeçarit.
Shoku i tij, Fabio Dukagjini është marrë në pyetje, ndërsa është shprehur se Xhorxho Seferi u hodh në lumë për t’u larë, ndërsa e mori rrjedha e ujit.
Nuk e shpëtova dot, ai u hodh në lumë për t’u larë, por e mori rrjedha e lumit dhe nuk e pashë më
Dëshmia e Fabio Dukagjinit
Fabio Dukagjini dje mbeti në një grykë kanioni te ‘Shpella e Pëllumbasit’, por pas ndërhyrjes së zjarrfikësve dhe policisë u bë e mundur nxjerrja e tij, ndërsa për Xhorxho Seferin vijojnë kërkimet..jpg)
Kërkimet për gjetjen e të riut
Majtas i zhdukuri Xhorxho Seferi dhe djathtas Fabio Dukagjini, që u shpëtua