Inter ka marrë 3 pikët e para në Botërorin e klubeve edhe pse me shumë vështirësi. Zikaltërit, nënkampionë të evropës, përmbysën 2-1 në minutën e 92 Urawa Reds. Japonezët në Seattle realizuan të parët në minutën e 11, teksa Watanabe përfitoi nga një rrëmujë në zonë.
Nga ky moment Inter ishte tepër dominues në fushën e lojës, por e pati tepër të vështirë të gjente rrugën e rrjetës. Në minutën e 78 u desh një shpikje e Lautaro Martinez për të risjellë baraspeshën, ndërsa heroin për zikaltërit e bëri Valentin Carboni në shtesë. Kjo fitore e ngjiti Interin në vendin e dytë në grup me 4 pikë.
Inter ka po aq pikë sa River Plate i vendit të parë në grupin E, që barazoi 0-0 kundër Monterrey.
Në grupin F udhëheq Fluminense e Brazilit që në ndeshjen e dytë fitoi 4-2 kundër Ulsan. Fillimisht zhbllokoi Arias, ndërsa brenda pjesës së parë koreano-jugorët përmbysën 1-2. Pjesa e dytë foli vetëm për brazilianët, me Nonaton që barazoi shifrat para se Freytes dhe Keno në shtesë ti jepnin 3 pikët Fluminenses.
Brazilianët ndajnë kreun me Dortmundin, që mposhti 3-4 Memelodi Sundowns. Afrikano Jugorët prishën ekuilibrat të parët, ndërsa në vijim gjermanët realizuan 3 herë duke nisur Nmecha, më pas Guirasy dhe Bellingham në fundin e pjesës së parë.
Një autogol në nisje të pjesës së dytë vrau shpresat e Memelodit, që gjithashtu u përpoqë të rifutej në lojë, por goli i 3-4 erdhi në minutën e 90 dhe kishte shumë pak për ti dhënë një tjetër fund kësaj sfide.