1- 21 Janari një tragjedi që përfaqësuesit e drejtësisë e kthyen një komedi të turpshme. Ishin po këta SPAK-ist që bënë lojën e pingpongistëve me një krim shtetëror kaq të rëndë, për demokracinë, shtetin dhe shoqërinë shqiptare. U desh Strasburgu që tu a ngecte në dorën kartën e zezë të indiferencës ndaj një krimi kaq të rëndë lojtarëve sharlatan të SPAK, të cilët tani për tani më shumë kanë bërë lojë kungulleshkash se sa kanë hetuar.
Siç duket figura më komplekse e SPAK, Dumani, përpos shumë aftësive të shfaqura në këto 3 vite mbretërim të çuditshëm, në krye të një sektori nga më të rëndësishmit të organit të akuzës, tani nga halli apo pafuqia jo nga ligji por nga përkatësia e tij e dyshimt militanteske, po e tregon pa droje, se nuk ka më as kohë as dëshirë të lëvizi m*tin e thatë me shkop. Pret vetëm largimin, që zëvëndësuesi i tij të bëj apo mos të bëj atë që Dumani nuk bëri… detyrën.
2- La Çivita, i paguar 1 milion e 600 dollar për të nxjerr Berishën nga llumi që është zhytur, ai, miqtë e tij dhe familja, nuk ekziston askund nën hetim kur vetëm një pyetje e thjeshtë e çon pagatorin para drejtësisë: Si mundet një parti të paguaj kaq para për tre xhiro me avion të bëra nga një lobues me dy sharlatan nën akuzë për mashtrim në SHBA, me sekseri të akuzuarin e Gërdecit Fatmir Mediu, për të cilin askush nuk e di se ku i gjen milionat, për të ikur në Amerikë sikur shkon në Ndroq?
3- E treta dhe më e pabesueshmja është heshtja për lobimin qesharak por të kripur me dollar… 6 milion, “të dhuruar” nga emigrantët shqiptarë në SHBA, të cilët me zor të japin një kafe me paratë që i kanë me djersë dhe gjak dhe jo të paguajnë një kufomë politike për ta rehabilitur.
Ndoshta për Dumani këto dyshime janë pa vlerë sepse ai ka qenë shumë më i zënë me humbësit e tenderave, se sa me hajdutët dhe grabitësit e parave të shqiptarëve, që përdoren për të larë “zhulin” e shpinës së Berishës.
Ndaj me dhimbje konstatojmë se Dumani e uli shumë “stekën” e SPAK, madje e çoj në rrokullsje me sloganin: Pas meje të bëhet çfarë të bëhet me PD-në…unë deri këtu isha. /Ekskluzive.al