Gruda vazhdon të shkëlqej, dy gola në dy ndeshje! Gjermania shkatërron Holandën dhe mbyll grupin me spektakël

Gruda vazhdon të shkëlqej, dy gola në dy ndeshje! Gjermania shkatërron Holandën dhe mbyll grupin me spektakël

Gjermania ka dhuruar një mbrëmje të jashtëzakonshme në “Olympiastadion”, duke mposhtur me rezultatin e thellë 5-0 Holandën, në një ndeshje ku dominimi i vendasve ishte i dukshëm nga fillimi deri në fund. “Panzerat” nuk i lanë hapësirë reagimi kundërshtarit, duke e kthyer këtë përballje në një festival golash.

Avantazhi për gjermanët erdhi në minutën e 41-të, kur Derry Scherhant zhbllokoi rezultatin. Pas pushimit, vendasit e rritën edhe më shumë presionin dhe gjetën vazhdimisht rrugën e rrjetës. Nico Schlotterbeck realizoi në minutën e 65-të, ndërsa Florian Wirtz ishte protagonist me dy gola, në minutat 60 dhe 71.

Spektaklin gjerman e kompletoi Brajan Gruda. Talenti me origjinë shqiptare, që mban numrin 10 në fanellën e Gjermanisë, shënoi në minutën e 77-të, duke vulosur rezultatin përfundimtar 5-0. Për Grudën ky ishte goli i dytë radhazi me përfaqësuesen gjermane, një tjetër sinjal pozitiv për të ardhmen e tij me “Panzerat”.

Ndërkohë, rezultatet e fundit kanë përcaktuar edhe renditjen përfundimtare të grupit. Gjermania, Holanda dhe Greqia e mbyllin me nga 11 pikë, duke krijuar një situatë të veçantë në klasifikim. Pavarësisht barazimit në pikë, diferencat përcaktohen nga kriteret e renditjes, me Greqinë që përfundon në zonën e “play-out”-it, ndërsa Serbia e mbyll këtë fazë pa pikë.