Cagliari i dha fund serisë prej tetë ndeshjesh pa humbje të Juventusit në Serie A, duke fituar 1-0 në duelin e javës së 21-të.
Bardhezinjtë hynë në takim me formë pozitive, por patën vështirësi të krijonin raste në pjesën e parë.
Rasti më i pastër erdhi nga Fabio Miretti, por u ndal nga portieri Elia Caprile. Një penallti e pretenduar nga Juventusi u anulua pas rishikimit me VAR.
Në pjesën e dytë, loja u bë më e hapur, por Cagliari kaloi në avantazh me golin e Luca Mazzitellit pas një goditjeje dënimi.
Juventusi dominoi posedimin në minutat e fundit, por nuk arriti të barazojë.
Me këtë fitore, Cagliari mban vendin e 15-të me 22 pikë, ndërsa Juventus renditet në vendin e pestë me 39 pikë.