Ndonëse ishte një seancë me fokus problemet e evidentuara në terren të zgjedhësve, debatet mes opozitës dhe mazhorancës u fokusuan edhe tek sulmi i dhunshëm me molotovë I militantëve të PD ndaj vilës së Enver Hoxhës, duke rrezikuar jetën e artistëve që ndodheshin Brenda.
Gjithcka nisi nga një kërkesë e deputetit demokrat Tritan Shehu që Kuvendi i Shqipërisë të dilte me një deklaratë të përbashkët për situatën e luftës në Iran për të treguar qëndrimin e Shqipërisë krah sulmeve të koordinuara mes SHBA-së dhe Izraelit. Kreu I grupit të PS, Taulant Balla iu përgjigj duke e paralelizuar situatën me aktet e dhunës të ushtruara nga opozita nëpër protesta.
Duke e cilësuar Berishën si Ajatollahu i fundit i mbetur në Evropë, Balla tha se në kohën që SHBA dhe Izraeli sulmonin Iranin, kryetari i PD urdhëronte militantët të sulmonin ashpër vilën e ish-diktatorit Enver Hoxha në një moment që brenda kishte artistë.
Ndërkohë që SHBA dhe Izraeli me forcat e tre godisnin objektivat e regjimit të Ajatollahëve, Ajatollahu i fundit në Evropë, Sali Berisha urdhëronte ju dhe ata që iu vijnë nga mbrapa të sulmonit godina. Në ato godinë vetëm Saliu ka qenë brenda, asnjëri nga ne. I vetmi që mund të hynte në atë godinë dhe të ngrohej pranë zjarrit bubulak të diktatorit, ishte Ajatollahu i partisë tuaj”, tha mes të tjerash Balla.
“Berisha deklaroi se po ta dinte se në Vilën 31 se do kishte njerëz brenda, nuk do kishte sulm. E pranoi e shprehu qartazi se dhuna është me pult, se s’ka revoltë”, tha Ardit Bido.
“Turizmi sigurisht që nuk e do flakën dhe dhunën, sepse mjafton një titull i vetëm në mediat ndërkombëtare, një foto e vetme me molotov në zemër të Tiranës, që shumë njerëz të anulojnë pushimet, të ndryshojnë destinacionin dhe të largohen nga Shqipëria”, tha Iris Luarasi.
Akuzave të mazhorancës për dhunë dhe sulme të urdhëruara nga Sali Berisha, iu përgjigj kreu i grupit të PD, Gazment Bardhi i cili tha se nuk kishin dijeni për prezencën e tyre në vilë.
“Duhet të kesh parasysh që ne nuk rrimë në paradhomën e Ramës për të ditur se çfarë qokash bën me pronat e shqiptarëve. Fakti që një pronë publike i është kaluar për menaxhim një fondacioni francez u desh protesta e datës 28 që ta mësonim ne dhe shqiptarët”, ishte përgjigjia prej Shvejku e idiotit Bardhi.