Një përplasje mes kryeministrit Edi Rama dhe kryebashkiakut Erion Veliaj ka marrë vëmendjen më të madhe ditët e fundit.
Rama u pyet nga gazetarët për këtë përplasje dhe nëse ai e ka kërcënuar kryebashkiakun përmes ministrit të Drejtësisë Toni Gogu e nëse Veliaj qëndron pas protestave.
Kryeministri nuk dha një përgjigje të drejtpërdrejtë, por tha: “Të tjerat janë si zhurmat e makinave që shkojnë e vijnë në bulevard. Sa janë të rëndësishme ato për ne, aq janë edhe për mua, ato që pyetët ju”.