rvin Salianji, i ftuar në emisionin “Të Paekspozuarit” në MCN TV, ka folur për fitoren e Peter Magyar në Hungari dhe rrëzimin e autokratit Orban.
Salianji tha se një gjë e tillë mund të ndodhë edhe në Shqipëri, por pengohet nga Sali Berisha, ndërsa debatoi me Ylli Rakipin lidhur me strategjinë që ka zgjedhur për ta sfiduar Berishën, i cili nuk pranon as të zhvillojë zgjedhje brenda partisë.
Ervin Salianji: Pse është e ngjashme situata me Shqipërinë? Sali Berisha thotë nga mëngjesi në darkë, që Rama nuk mundet me votë, sepse ka autokraci. Ja ku është një rast i ngjashëm, Orban kishte sipas analizave të instituteve dhe mediave prestigjioze, 80% të mediave, pasurimin e njerëzve të afërt dhe rrethin ekonomik me kontroll të plotë, kontrollin e drejtësisë, kishte një avantazh që të gjithë thoshin, pavarësisht se mund të merrte shumicën partia opozitare, Orban kishte sistem zgjedhor të ndarë në tre forma të ndryshme, kishte këtë që në Shqipëri thuhet blihen, deformimi i vullnetit të zgjedhjeve. Por kur ka opozitë frymëzuese e tejkalon. Opozita e tejkalon nëse frymëzon njerëzit, nuk ka forcë që i bën ballë forcës së popullit. Po sondazhet kush i vjedh? Siç dolën sondazhet para zgjedhjeve, ashtu dolën pas zgjedhjevve. Këtu nuk pranohet, opozita ka edhe këtë problem. Orbani është i ngjashmi i Ramës.
Ylli Rakipi: Media e doktorit, dhe doktori janë të dashuruar me Orbanin. Nuk dihet pse doktori, ky tjetri, ka edhe biznese këtu Hungaria. Ti ke dalë, bravo të qoftë, por ky Peter Magyar që fitoi, krijoi parti dhe i rrëmbeu të gjitha, ti kërkon të marrësh njeriut që do vdesë bashkë me partinë, përtej vdekjes ai ka atë parti. Kërkon partinë në shtëpinë e Berishës. Ky tjetri të jep eksperiencë tjetër ty.
Ervin Salianji: Ky jep këtë eksperiencë. Opozita këtu ka problem pse nuk fiton, nuk jep alternativë tjetër, është Berisha, që ngjan njësoj si Rama, 30 e ca vite në politike, ka të njëjtin gjuhë politike
Ylli Rakipi: Ti thua këtë gërmadhën që e ka ky do ta marr unë.
Ervin Salianji: Është pasuri publike nuk është gërmadhë. Tre muajt e kam nisur këtë lëvizje. Të njëjtën gjë bëri ky Peter Magyar, përpjekje nga brenda për ti thënë partisë së vetë, ku ishte, që duhet të ndryshojë pasi tjetër gjë themi në publik dhe tjetër gjë bëjmë. Sot, po flasim gjashtë vite më pas. Tani çfarë po kërkoj unë në PD? Zgjedhje. Jam në këtë parti.
Ylli Rakipi: Nuk i bën këto që thua ti. Jo nuk dua thotë, ik qërrohu thotë
Ervin Salianji: Ja do ta shohim, nuk është kaq e lehtë. A ka disa rregulla?
Ylli Rakipi: Për këtë punë ai është 40 vjet Orban.
Ervin Salianji: A kam të drejtë unë? Po kërkohet garë. PD që të fitojë zgjedhjet, këtë kërkojmë. Rama fiton sepse ka një opozitë të lodhur, një lider opozite qe përjashton dhe uzurpon. T’ja themi këtë njerëzve. Nëse nuk ia themi nuk vijmë te hapi tjetër që thoni ju, ai është një rrugëtim. Rasti i Hungarisë na tregon një element. 2/3 e të rinjve mbështesnin këtë parti dhe ishin të mobilizuar. Pjesëmarrja shkoi 80%. Këtu duhet të bëjmë edhe ne.