Gjatë vizitës së tij në Shtetet e Bashkuara, Sali Berisha është takuar edhe me ish-ambasadorin e Shqipërisë në Mbretërinë e Bashkuar, Mal Berisha.
Ky i fundit ka publikuar në rrjetet sociale një fotografi nga takimi, duke e shoqëruar me mbishkrimin “Një foto që flet sa një mijë fjalë”, ndërsa në sfond shihet edhe flamuri shqiptar. Takimi është zhvilluar në New Jersey, më 6 shtator.
Përveç përmbajtjes politike të vizitës, fotografia ka edhe një detaj që tërheq vëmendjen: dy Berisha në të njëjtin kuadër, njëri ish-kryeministër dhe tjetri ish-ambasador. Në një tur takimesh ku simbolika dhe fotografia kanë zënë shpesh po aq vend sa përmbajtja, kjo e fundit duket se e ka bërë të gjithë punën vetë.