Monika Kryemadhi ka marrë dje një goditje shumë të fortë nga faktori ndërkombëtar. Zakonisht ish-ambasadori Donald Lu ishte ai që përmendte emra deputetësh të lidhur me krimin, por asnjë zyrtar ndërkombëtar nuk kishte arritur të përmendte emra konkretë kur vjen puna te liderët politikë. Dje ishte raporteri për Shqipërinë Knut Fleckenstein, ai i cili ka drejtuar dy herë gishtin ndaj bashkëshortes së presidentit. Teksa SHBA i vuri vizën e kuqe Sali Berishës, duket që të njëjtën gjë ka bërë dje Brukseli me Monika Kryemadhin.
Paradite Fleckenstein dhe 6 eurodeputetët e tjerë të delegacionit të BE dolën në një konferencë për mediat. Por teksa rrëzuan çdo pretendim të opozitës, Fleckenstein u shpreh se zhgënjimin më të madh e ka marrë nga Monika Kryemadhi. “Dje patëm disa shkëmbime me disa ish-deputetë. Zoti Basha foli me ne. Ne i bëmë të qartë se i kuptojmë nga njëra anë problemet e tij, por bojkoti nuk i zgjidh ato. U zhgënjeva shumë nga kryetarja e LSI, për arsye se ajo tha vetëm një fjali në fund të takimit.
Tha se e kanë marrë vendimin e tyre, që në Shqipëri ka nevojë për ndërrim pushteti dhe në rast se ne nuk e kuptojmë këtë gjë, nuk është problemi i tyre. Ky është një mesazh i qartë dhe besoj se ata në Bruksel dhe ata që janë Shqipëri duhet ta kuptojnë se në cilën anë ndodhet secili prej nesh”, tha ai, duke cituar Kryemadhin. Por goditja më e madhe që ka marrë kryetarja e LSI është gjatë një takimi që Fleckenstein ka zhvilluar me kryeparlamentarin Gramoz Ruçi. Përmes një njoftimi të shpërndarë për mediat nga Kuvendi, Fleckenstein ka deklaruar hapur se Zonja e Parë po rrezikon dhe negociatat me BE.
Me këtë etiketim, ai ka treguar se BE ka futur në rreth të zi familjen e presidentit. “Po humbas durimin nga qëndrimi i deputetëve të opozitës. Protestat duhet të ruajnë qetësinë, pasi pamjet e dhunës në protesta vonojnë integrimin e vendit. Për më tepër, Zonja e Parë e vendit nuk duhet të pengojë negociatat. I bëjmë thirrje Këshillit Europian të vlerësojë arritjet e Shqipërisë”, ka thënë Knut Fleckenstein.
Eurodeputeti sqaron qëndrimin
Fleckenstein ka folur edhe për mediat mbi kritikat që lëshoi ndaj Kryemadhit, duke thënë se asaj nuk i bëhet vonë për integrimin. “Ajo tha se ata e kishin marrë një vendim dhe duan të heqin këtë qeveri dhe kjo është një handikap për çeljen e negociatave. Ajo na la përshtypjen se nuk i bëhet shumë vonë. Kjo është diçka e re, pasi deri më tani ne kishim përshtypjen se partitë, paçka se përplaseshin me njëra-tjetrën, donin që sa më parë të shkonin në drejtimin e BE-së. Por, tani në këtë rast ndryshimi i qeverisjes merr më shumë rëndësi”, tha ai.
Fleckenstein kundër PD-LSI
Përveç akuzave ndaj Monika Kryemadhit, raportuesi për Shqipërinë ka rrëzuar të gjithë pretendimet e opozitës. Gjatë konferencës për shtyp, ai deklaroi se djegia e mandateve është e gabuar, ndërsa u shpreh se Parlamenti është legjitim. “Më vjen shumë keq për vendimin e opozitës për heqjen dorë nga mandatet e tyre parlamentare. Bojkotimi i Parlamentit nuk është aspak një rrugëdalje nga problemet politike dhe është kundër parimeve demokratike.
Parlamenti është forumi ku duhet të trajtohen mosmarrëveshjet politike. Unë bëj thirrje për përgjegjësi politike nga të gjithë parlamentarët për të përmbushur detyrat e tyre dhe për të rifilluar punën parlamentare në interes të vendit dhe perspektivës së integrimit të tij në BE, jo me zgjedhjet e ardhshme në mendje. Shqipëria duhet të përqendrohet te reformat, jo te grindjet politike. Demonstratat janë një tipar thelbësor i jetës demokratike. Megjithatë, unë i dënoj me forcë rastet e dhunës”, tha ai. Fleckenstein ka rënë shumë herë pre e sulmeve të PD dhe LSI, duke qenë se
Kliti Topalli