Gazetari “patriot” tetovar Ramës: Pse nuk ka folur për shqiptarët e MV? Rama ia “pret hovin”: MV është shtet sovran, nuk kapërcej kurrë kufirin e ndërhyrjes! Keni partitë tuaja politike

Gazetari “patriot” tetovar Ramës: Pse nuk ka folur për shqiptarët e MV? Rama ia “pret hovin”: MV është shtet sovran, nuk kapërcej kurrë kufirin e ndërhyrjes! Keni partitë tuaja politike

Përplasja për himnin shqiptar në Pustec u rikthye në qendër të vëmendjes gjatë konferencës së kryeministrit Edi Rama me homologun e tij të Maqedonisë së Veriut, Hristijan Mickoski, në Qafë Thanë.

Gazetari e pyeti drejtpërdrejt Mickoskin nëse ndiente nevojën t’u kërkonte falje shqiptarëve për atë që u konsiderua si mosrespektim i himnit shqiptar gjatë aktivitetit në Pustec.

“Ne jemi popull shumëetnik dhe i vlerësojmë të gjithë. Sot po festojmë 22 Nëntorin. Në lidhje me himnin, nuk e keni ndjekur aktivitetin deri në fund. Himni u zbatua. Të relaksohemi”, tha Mickoski.

Ndërkohë një moment tensioni u shënua pasi një gazetar nga Tetova akuzoi Ramën se nuk ka folur për shqiptarët e Maqedonisë së Veriut.

Rama iu përgjigj se Maqedonia e Veriut është shtet sovran dhe se shqiptarët kanë partitë e tyre politike për t’u përfaqësuar.

“Ju as më keni parë e as do të më shikoni të bëj fushatë për ndonjë parti politike në Maqedoninë e Veriut”, tha Rama.

Ai shtoi se nuk duhet të kapërcehet kurrë kufiri i ndërhyrjes në çështjet e brendshme të një shteti tjetër.