Sali Berisha dhe Ilir Meta kanë shënuar një humbje poshtëruese më 14 maj.
Në krahasim me Lulzim Bashën, ata kanë humbur gati 250 mijë vota.
Për tre ditë me radhë, për këtë arsye, e qepën gojën.
Por në të tretat e humbjes, politikani më i urryer në vend, sipas të gjitha sondazheve, mbi të gjitha nga vetë demokratët, Ilir Meta, u shfaq nga selia e Sali Berishës, për t’u shfaqur jo si humbës, por si triumfator, duke na thënë se tashmë Rama dhe kryebashkiakët e tij nuk do të vjedhin më këto katër vjet.
Kjo, pasi sipas tij, ai me Berishën do t’i pengojnë nëpërmjet këshilltarëve të tyre në Këshillat Bashkiakë.
“Çdo minutë fakte të reja tronditëse vijnë dhe dokumentohen se si mafia nën komandën e Edi Ramës shkatërroi procesin zgjedhor standardet e të cilit ishin zëruar nga vetë Rama para se të niste ky proces. I gjithë ky proces i tjetërsimit të votës së shqiptarët po dokumentohet dhe do të fillojë procesi i kundërshtimit ligjor, por edhe i përshkallëzimit të aksionit opozitar.
Pavarësisht nga ky tjetërsim i bërë nga Edi Rama nën mbrojtjen e policisë së shtetit në përgjithësi diçka është e qartë, gomerët që Rama u imponoi qytetarëve shqiptarë nuk do të vjedhin të qetë më siç vodhën në 4 vite. Përshkallëzimi i aksionit opozitë në këshilla bashkiakë”, tha Meta pas takimit me Berishën.
Por Meta harroi të thotë një gjë.
Ata kanë humbur thellë edhe në Këshillat Bashkiakë dhe nuk bllokojnë dot asnjë ligj, sepse PS ka shumicat e këshilltarëve në çdo Bashki.
Madje dhe në Shkodër!
Ndaj mirë është që Ilir Meta kur akuzon “gomerët” e Ramës, të mos shfaqet edhe vetë si “gomar”.
Se jo për gjë, por është i fundit politikan që mund të merret seriozisht në ato që thotë.(TemA)