Pas skandalit të fundit, ku rezulton se Zogu i Tiranës, është joshur me 20 mijë lekë për të votuar, Jari i shqetësuar foli me këshilltarin Henz se si mund ta menxhojnë këtë situatë.
Të dashur demokratë!
Jari ju sqaron.
Sot kam pasur një bisedë të gjatë me këshilltarin Henz, rreth skandalit të “Zogut të Tiranës” i cili përveç shitjes së bythës ka shitur dhe votën.
Siç e dini, në gjuhën popullore shitja e bythës, nënkupton shitjen e karakterit dhe nga një njeri i tillë çfarë nuk pret.
Por deri tek shitja e votës, nuk e kishim pritur.
Ky njeri ishte maskuar për vite të tëra si demokrat, postonte video ku thoshte “Sali Berisha të hëngërsha zemrën” e të tjera gjëra të tilla, por ne mendonim, se këto i thoshte ngaqë Doktori është burrë simpatik dhe donte ta joshte.
Por e vërteta doli zbuluar. Ai i ka bërë të gjitha këto, për të maskuar shitjen e votës me shitjen e bythës.
Këshilltari Henz mendon, se për këtë skandal duhet vënë në dijeni Kancelarja Merkel dhe gazeta “Bild”. Ai kërkoi një fond modest për këtë operacion, për të cilin na premtoi se do ta nisë në janar dhe të jetë gati deri në mars.
Këshilltari Henz mendon se duhet studjuar mirë fakti që njerëzit e përfshirë në këtë ofertë lekësh janë ish fansa të Doktorit. Kjo është e rrezikshme, pasi del që një femër që është fanse e Doktorit, e ka joshur Zogun e Tiranës me lekë, të votojë më 30 qershor, ndërkohë që ne luftonim në barrikada që të mos kishte zgjedhje.
Pra tradhëtia shtrihet dhe më gjerë se Zogu i Tiranës, duke shkuar tek tutoret e tij.
Në këtë pikë Këshilltari Henz mendon se duhet të hetojmë votën e Zogut të Tiranës, pasi ai mund të jetë joshur nga “Bindja Demokratike”, për të marrë pjesë në zgjedhje. Kjo tregon se dhe kjo fansja e Doktorit mund të na ketë tradhëtuar me Bindjen Demokratike.
Sidoqoftë Këshilltari Henz na siguroi se “Bild” do ta paraqesë këtë si zbulim të tij dhe kjo do të trondisë opinionin ndërkombëtar, pasi është një fyerje për botën e homoseksualëve, që një personazh i rrethit të tyre, të shesë edhe bythën edhe votën.
Kjo ka për të ngjallur reagim tek qarqet liberale të Europës, dhe ata do ta izolojnë Edi Ramën, si një njeri që përdor këtë kategori qytetarësh, me masa shtrënguese, për të votuar për të.
Në këtë pikë këshilltari Henz vlerëson se reagimi i Tit Vasilit është dinjitoz, dhe ka shumë të drejtë që e barazon këtë shitje bythe dyfish të Zogut të Tiranës, si një skandal seksualo- politik me rëndësi ndërkombëtare. Ndërkohë thotë se PD ka bërë gabim që nxorri Gaz Bardhin për këtë çështje pasi mund të tingëlojë si xhelozi.
Të bëhemi gati të presim tërmetin e ri që do të bjerë mbi Edi Ramën pas kësaj.
I juaji Jari!