Juristi i njohur, Romeo Kara ka folur për dosjen e famshme “CEZ-DIA”, Pak ditë më parë ish-ministri i Ekonomisë dhe deputeti socialist, Nasip Naço u thirr në Prokurorinë Speciale (SPAK) për aferën CEZ-DIA.
Rreth 1 orë e 30 minuta Nasip Naço u pyet mbi këtë çështje dhe rolin e tij si ministër i Ekonomisë, Tregtisë dhe Energjetikës gjatë periudhës 2011 – 2012.
Po sa i takon kësaj afere, ka folur edhe avokati Romeo Kara, teksa ka zbardhur të fshehtat e thirrjes të Nasip Naços në Prokurorinë e Posaçme. Juristi Kara zbuloi dy personat që e kërcënuan zotin Naço në zyrë pas tentativave të tij për të kundërshtuar aferën. Sipas tij, asokohe zoti Naço dha dorëheqjen si ministër pasi refuzoi të bëhej pjesë e pazarit të aferës “CEZ-DIA”.
-Zoti Kara, në dijeninë tuaj për çfarë u paraqit pak ditë më parë në SPAK zoti Nasip Naço?
Unë flas me siguri të plot edhe pse si kam parë dokumentet e ministrisë dhe të OSHEE. Ajo që kam parë është se aferat në sektorin e energjisë janë afera të rënda dhe janë të lidhura bashkë dhe mendoj se e parë afera “CEZ-DIA” në kuadër të aferës së privatizimit të CEZ është aferë shumë e madhe dhe kalon edhe kufijtë e imagjinatës. Kur unë kam dhënë dëshmi për privatizimin e OSSH nga CEZ kam thënë se ka pasur njerëz në atë qeveri që kanë bërë një debat edhe kundërshtues edhe me letra me ministrin Ridvan Bode dhe kanë qenë skeptik lidhur me uljen e çmimit të energjisë nga KESH tek CEZ. Naço është i vetmi që ka kundërshtuar dhe ka kërkuar analizë ekonomike. Naço ka dhënë dorëheqjen dhe ka liberalizuar tregun e energjisë ka ndikuar në Parlament që të miratohej një ligj në 2011 dhe ata që ishin konsumator të mëdhenj të mos trajtoheshin më me çmim të rregulluar, të dilnin në treg të lirë dhe kjo i ka sjell buxhetit të shtetit një kursim prej 40 deri 50 milionë euro.
Ai ka këmbëngulur që të ketë kontakte me administratorin e CEZ shpërndarje në Shqipëri në atë kohë, ku ai i ka kërkuar që ata ti paguanin borxhin që i kishin shtetit shqiptar dhe ka kërkuar që fatura e energjisë jo vetëm e CEZ por edhe e KESH të ishte titull ekzekutiv dhe palët ti drejtoheshin anës juridike dhe debati ka qenë që kur ka pretenduar që CEZ që si mbledh dot ato para ai si ministër ka kërkuar sa raste janë çuar në gjykatë për përmbarim që edhe shteti të marr masa për të mbledhur ato para. Pasi ka bërë këtë ka pasur një vizitë kërcënuese në zyrë nga Josef Hejsek shoqëruar edhe nga Ismailaj që i kanë thënë se do ta largojnë nga ai post dhe ai ka dhënë dorëheqjen më parë se ta largojnë. Pra ka qenë kundra rrymës dhe ka qenë për tu zbatuar ligji.
-Po vonohet drejtësia në raport me Metën?
Po, drejtësia po vonohet. Nuk është ajo drejtësia që ne kemi pritur. Unë ka parë vendimin për Alda Klosin që u dënua me dy vite burg, ndërkohë ka bërë pastrim parash. Ne kështu do ti dënojmë, unë jam gati unë sot ti marr 1 milionë e ca euro dhe hajt se po bëjë edhe unë dy vite burg. Korrupsioni është tradhti kombëtare dhe cenon sigurinë kombëtare dhe duhet dënuar edhe me burgim të përjetshëm. Ata vjedhin bëjnë dy vite burg, prandaj vazhdojnë të vjedhin këta. Ky është turp dhe një dështim. Në rastin e Metës ne jemi shumë vonë. Ka edhe vende të vogla që kanë luftuar korrupsion dhe tashmë nuk kanë korrupsion dhe nuk kanë varfëri.
Fakti që është thirrur Naço do të thotë se jemi në fund të hetimeve. Njerëzit që kanë investuar në partinë e tij kanë marr tendera dhe më pas kanë investuar dhe kjo është në kundërshti me ligjin e partive. Paratë nuk janë sekuestruar dhe përbën një potencial të lartë kriminal. Tani nuk dihet më nëse politika urdhëron krimin, apo krimi urdhëron politikën.
-Sali Berisha kërkon rikthimin në Parlament dhe nuk dihet nëse do t’i pranohet. Parlamenti ka edhe një afat 6 mujor dhe mund t’i hiqet mandati, çfarë pret që të ndodh me fatin e tij?
Deri tani po e quaj marrëveshje, që me një grup deputetësh për të stabilizuar jetën parlamentare shkojnë atje, kur ata janë autor të zhbërjes. Nuk presim çudi nga Berisha. Unë shoh se si duhet që të veprojë drejtësia dhe drejtësia duhet që të jetë e pavarur. Për mua Berisha duhet që të ishte dënuar. Ka dhënë urdhra për vrasjet e shqiptarëve, ai e ka mbyllur karrierën kush shkon pas tij ose është si Muli me prona pa fund nga Saranda deri në Gjirin e Lalëzit ose janë njerëz që mendojnë që duke ngordhur kali ti shkulin patkonjtë dhe të marrin disa benefite. Ne nuk duhet që të kemi riciklim duhet të mbaroj këtu.
Tropojën e bëri gjak, uzinat dhe fabrikat u rrënuan, ushtria po ashtu. Baza është ushtria dhe ne kemi shkatërruar ushtrinë me vetëdije për ta rrënuar këtë shtet që nesër mos të ketë se kush ti kundërvihet. Ai Gërdecin e bëri gjak, 21 janarin po ashtu. Ata që ka pas i gënjen që do vijë Donald Trump në pushtet do më heq non gratën, këto janë përralla të Berishës.
-A ka pasur një kryetar partie në Greqi, po ashtu edhe Dule kanë bërë takim me Fredi Belerin dhe pas atij takimi ata kanë thënë që Shqipëria nuk e meriton anëtarësimin në BE?
Jo Shqipëria nuk e meriton, por e meriton Greqia me ato politikat megalomane që e futën në atë borxhin që kishte sepse jo rastësisht erdhi pas atyre lojërave olimpike dhe arriti këtu ku është. Iliazi bëhet Ilia atje dhe këtë e lejon Greqia atje. Greqia ndërhyn në sovranitetin tonë, këtu flet drejtësia sepse ai është kap duke vjedhur vota, është dënuar, po ashtu ka shkelur edhe simbolet kombëtare. Ai është produkt i Metës dhe Berishës që janë atje tek ai varri politik dhe e lëshuan jashtë litarin.