Ditët e fundit ka një shpërthim lajmesh rreth pasurive të Zenit të cilat e lidhin atë me personazhe të kohës së pushtetit të babait dhe prona që me sa duket kanë qenë transferuar në emër të tyre.
Pas disa polemikave që Zeni ka pas në shtyp, media ka zbuluar dhjetra lidhje të reja të këtyre pronave me pushtetin e babait të tij.
Fansat e shqetësuar i shkruajnë Karminës rreth këtyre historive.
Ajo sot vendosi tu përgjigjet vetë.
Të dashur fansa!
Jam shumë e surprizuar nga këto lajmet që dëgjoj. E di që shumë prej jush nuk më beson, ndoshta nëse them të vërtetën, por mua nuk më intereson pasuria e Zenit por karakteri dhe shpirti i tij. Merlin Monro ka thënë të dashurit përkëdheli shpirtin, jo portofolin
Kjo shprehje më kujtohet gjithnjë kur jam me Zenin dhe dëgjoj lajme të tilla.
Ajo që di t’u them është se Zeni ka qenë gjithnjë pranë njerëzve në nevojë. Kushdo që ka kërkuar ndihmë kur ai ishte në pushtet, ai i është gjendur pranë. Pastaj njerëzit e kanë me të ndjerë në shpirt se çfarë i kanë dhënë. Ato kanë qenë dhurata nga shpirti, jo pagesa të imponuara. Fakti që Zeni siç po lexoj u ka blerë atyre dhe pasuri të falimentuara, tregon shpirtin e tij të madh dhe kujdesin që ka treguar për pronat e tyre dhe pasi ka ikur nga pushteti.
Sa herë kam udhëtuar jashtë me Zenin, nuk kam folur kurrë për këto gjëra. Udhëtimet i kam paguar gjithnjë unë, nga lekët që i fitoj në instagram. Hotelet i kemi falas pasi pronarët e hoteleve paguajnë për praninë time.
Merlin Monro ka thënë se çmimi i një njeriu nuk është ai që i vë vetes, por ai që të tjerët paguajnë për ty. Dhe këtë e kam kuptuar kur më respektojnë duke më paguar hotelin, udhëtimet dhe gjithçka tjetër.
Eshtë modeli im, ai që e ka nxit dhe Zenin të forcojë tiparet e bamirësit, njeriut që u gjendet pranë njerëzve në nevojë dhe merret me hallet e tyre. Në rastin konkret me pasuritë e tyre: Eshtë bekim për mua një njeri i tillë.
Merlin Monro ka thënë, se dielli jo të gjithë i ngroh njësoj. Mua më ka parë me hatër.