Ish-kreu i Aleancës Kuq e Zi, Kreshnik Spahiu ka reaguar i pikëlluar për ndarjen nga jeta të gazetarit dhe profesorit të njohur shqiptar Nuri Dragoi, i cili ka qenë njëherazi edhe një ndër themeluesit e Aleancës Kuq e Zi.
Mes dhimbjes së madhe për humbjen e mikut të tij Spahiu shkruan se Nuriu nuk ka qenë asnjëherë deputet, ministër, nuk ftohej në televizione apo nuk ishte as i pasur në para, por pena tij e çmuar ka lënë perla për vendin tonë.
Postimi i plotë:
Sot në mëngjes, pushoj së rrahuri zemra e themeluesit të Aleancës Kuqezi Prof. Nuri Dragoi, për shkak të Covid-19.
– Nuri Dragoi nuk ishte kurrë deputet, por ishte autor i mbi 30 librave për çështjen kombëtare!
– Nuri Dragoi nuk ishte ministër, por kishte mbi 200 publikime për Shqipërinë Natyrale.
– Nuri Dragoi nuk kishte pasaport diplomatike, por ishte kërcënuar me vdekje nga qarqet greke dhe Athina
– Nuri Dragoi nuk ftohej në televizione, por ishte themelues i medias së lirë dhe gazetës Republika.
– Nuri Dragoi nuk ishte i pasur në para, por pena e tij i thuroi perla historisë së patriotizmit shqiptar.
Me Nuri Dragoin shkruam së bashku “Kontratën Kuqezi”, dhe marshuam në çdo fshat dhe qytet të Shqipërisë.
Sot ne humb?m mikun, shokun, shkrimtarin, diplomatin, studiuesin, publicistin dhe nacionalistin modern.
Sot ëndrra e Nuriut u shua.
Ai nuk mundi ta shoh as Shqipërinë e Bashkuar dhe as kauzën kuqezi të fituar.
Mijëra rreshta ka shkruar për Shqipërinë, Kosovën, Iliridën, Camërinë dhe mua më duhet ti rilexoj sot i përlotut nga pamundësia, që ky regjim na ndau për së gjalli dhe për së vdekuri.
Sot nga larg dhe në pamundësi për ta përcjell në banesën e fundit, legjendën kuqezi, po i shkruaj këtë ngushëllim familjes e cila duhet krenohet me këtë burr fisnik, të Shqipërisë Etnike.
Lamtumirë Dragoi Kuqe!