Njerëzit janë të irrituar dhe të zhgënjyer për policinë që na risolle, duke kthyer si drejtuesa mjeshtra nga më të ndryshmit, të përgatitur me penë e shishe boje në shkollat e Enverit, pasi fute në burg ministrin e brendshëm më të suksesshëm që ka patur ndonjëherë Shqipëria… si kushëriri i trafikantëve.
Për çudi dhe “mahi” e zëvëndësove… me vëllain e trafikantit, i cili e ktheu policinë në një fole azili pleqsh me uniformë policie dhe sot është kthyer aty ku e gjeti Tahiri.
Ngjarjet e njëpasnjëshme, ku autor janë polic apo ish policë, kanë një indicie të madhe në jetën e qytetarëve të thjesht, ndaj mërzitja juaj se po kërkojnë largimin e Çuçi puçit, Gledisit nga Skrapari apo të pazëvëndësueshmen Kumbaro, nuk ka vend. Uleni shpatë, sepse nuk je vërtet Skënderbeu!
Kur thoni se autori duhet të marrë dënimin më të rëndë, paravendosni një gjë që ju nuk iu pyet njeri si liberador i kësaj lesh drejtësie. Ju nuk e ndani dot atë më kryesoren, që autori nuk është vetëm, por grupazh i moralit politik.
Nuk ka kaluar as 1 muaj kur për pak do kishim tre viktima dhe çfarë su premtua dhe u angazhua që nga Çuçi puçi e Gledisi gudulisi me shokë, që do mwerrnin masa për të mos u përsëritur më këto ngjarje… pra një tallje mendereje.
Tragjedia ndodhi, deri në limitet e tmerrit, një vajzë, një ëngjël, vërsnike me Zahon, mbylli sytë duke ia lënë përgjysëm ëndrrën për të parë Shqipërinë, nga ata që duhet të jepnin jetën që të mos i prekej 1 fije floku.
Ndaj pyesim veten, përse e keni aq të vështirë të ndëshkoni dhe bashkëpuntorët e tij, që jo vetëm që e kanë shpërdoruar detyrën, por nuk e kanë bërë kurrë?!
Askush nuk ka asnjë lloj inati personal me ministrat tuaj dhe drejtorin e policisë, por thellë në botën e këtyre njerëzve u duken edhe ata fajtor të botës së pushtetit dhe peshoren për këtë rast qytetarët ta kanë dhënë ty, që gjithmonë duhet të peshosh njësoj si ata. Largimi i tyre është një akt moral, i një qeverie që mendon si populli që e ka votuar dhe nëse je keq për ministra si puna e këtyre, aman mos u tremb… ka me miliona.
Nëse nuk e beson, hidh një vështrim pas, tek ish “mik-armiku” Ilir Meta, që ka bërë në këtë vend ato punë që as mund t’i imagjinoi një politikan, ndërsa niveli i tij intelektual është aq i turpshëm dhe tronditës, sa ka bindur çdo qytetar kur ballafaqohet me figurën e tij, që me pak nivel intriganti, mund të bëhet ministër, kryeminister, president, e pse jo Mbret në mbretërinë e Hadit. Ndaj mos u tremb, ministra ke me mijëra, mjafton një adresë FB… si këta dhe ata që vijnë.
Imagjino se çfarë do t’i kishte gjetur këta drejtues shteti, nëse larg qoftë do të ndodhte ty me Zahon përdore!
Ndaj qetësoj njerëzit normal dhe jo lehësat politik, duke marrë një vendim të arsyeshëm … dënimin moral, edhe të fajtorëve indirekt.Tellalli.al