ga Adriatik Doçi
Në një kohë kur Sali Berisha po fliste dje për mbrojtjen e fjalës së lirë dhe ‘tradhtinë e besëprerit’ të fundit (Fanes), si gjithnjë me një koktejl shpifjesh me dromca të vërtetash, personazhe të inkriminuar pranë tij kanë kërcënuar profesorin Edmond Spaho, një prej zërave kritikë për gjendjen kur ndodhet sot Partia Demokratike, e cila ka përfuduar në zguall i Familjes Berisha për mbrojtjen nga veprimi i drejtësisë, administrimin dhe shtimin e pasurisë.
Shkak i kanosjes verbale ishte një status me natyrë të koduar i Spahos për lidhjet e kupolës së PD-së me pushtetin, lidhje të cilat bjerrin narrativën e luftës së pronarit të PD-së kundër Edi Ramës.
Fillimisht, profesor Spaho ka fshirë postimin nga llogaria e tij në Facebook. Më pas, Spaho ka mbyllur fare profilin e tij në Facebook. Nuk dihet nëse ky veprim ka ardhur në kushte të tronditjes së thellë apo për të kamufluar fshirjen e postimit, në të cilin ç’është e vërteta nuk referonte asnjë emër konkret.
Krahas kësaj ‘autokritike’, Spaho u ka shkruar edhe disa mediave, duke u kërkuar (lutur) që të fshinin lajmin ku pasqyrohej postimi i tij në Facebook, një tregues ky i ‘demokracisë’ në partinë më të madhe në opozitë.