Himara po përballet me orë tmerri prej mbrëmjes së djeshme, kur lagjja 1 Maji u përfshi nga flakët. Deri më tani raportohet për të paktën 6 banesa të shkrumbuara, ndërsa ka nisur operacioni për shuarjen e e flakëveve edhe nga ajri.
Prefektja e Qarkut Vlorë, Evis Alushi, ka bërë me dije se deri më tani janë evidentuar gjashtë banesa të dëmtuara nga zjarri, ndërsa janë djegur edhe pemëtari.
Vlerësimi i plotë i dëmeve pritet të bëhet pas shuarjes së plotë të flakëve.
Situata e zjarrit në Himarë është duke shkuar drejt stabilizimit, ndërsa sipas informacionit të fundit nga Prefektura e Vlorës, aktualisht nuk paraqitet më rrezik për banesat.
Forcat e angazhuara në terren vijojnë operacionin për vënien nën kontroll të plotë të flakëve dhe izolimin e vatrave të mbetura aktive.
Ndërhyrja po vijon me qëllim parandalimin e riaktivizimit dhe përhapjes së zjarrit në zona të tjera.
Autoritetet po monitorojnë situatën në mënyrë të vazhdueshme, ndërsa ekipet zjarrfikëse dhe strukturat e emergjencave mbeten në gatishmëri në terren.