Përfaqësuesja U-21 e Shqipërisë zhgënjeu në ndeshjet e marsit. Kjo pasi të parën e barazoi 0-0 ndaj Finlandës, teksa të dytën e humbi 1-3 përballë Zvicrës.
Pavarësisht dëshpërimit pas humbjes me Zvicrën, trajneri Alban Bushi u ndal dhe veçoi nga lojtarët Feta Fetain. “Duhet ta falenderoj Fetain, më i miri i gjithë kohërave në numrin 6. Mund ta krahasoj me Altin Lalën”, u shpreh Bushi për mesfushorin e Shpresave.
Këto dy ndeshje ishin të parat te Shpresat për mesfushorin nga Shkupi. 18-vjeçari që është pjesë e Lokomotivës së Zagrebit spikati dhe tashmë me interes pritet të shihet e ardhmja e tij.