Gjatë një udhëtimi me tren për në Peterborough, një vajzë 23 vjeçare angleze diskutoi me nënën e saj në telefon, duke i thënë se ishte e “stresuar dhe e mërzitur”, për shkak të gjëndjes së saj ekonomike.
Në fund të telefonatës atë e zuri gjumi, dhe zgjimi i saj ishte krejtësisht i papritur: Ajo gjeti 100 sterlina të mbështjella me një kartpecetë, të vendosura mbi gjunjët e saj.
Këtë e ka treguar në një postim në Facebook, me shpresën për të gjetur “bamirësin” e panjohur i cili u shpërnda 6 mijë herë.
23 vjeçarja e diplomuar në Universitetin Leeds Beckett, ka shpjeguar për BBC që kishte patur disa borxhe gjatë vitit të fundit të studimeve, pasi ajo ndërpreu punën part-time për t’u përqëndruar tek studimet.
“Unë i tregova nënës time që kisha mbetur pa para, dhe që isha e shqetësuar për financat e mia. Isha shumë e zemëruar”, ka shkruar ajo në rrjetet sociale.
Kur ajo gjeti paratë, zemërimi kaloi dhe shpërtheu në lot, ku vajza ishte pafundësisht mirënjohëse për të panjohurin që kishte vendosur ti dhuronte atë shumë pa pretenduar as një “faleminderit”.
“Në 18 muajt e fundit kam humbur babain tim, dhe pastaj nënën time. Ky person më ka bërë të kuptoj që ekzistojnë njerëz xhentil dhe të mirë në këtë botë”, shkruan Ella, “do të doja ti thoja të pa njohurit që më ka ngritur moralin dhe më ka ndihmuar shumë”.