Pasi bënë shfaqje, njëri largohet nga protesta, tjetri i shan protestuesit e grupimeve rivale si të shitur, ndërsa djali i Fahriut mbledh çetën larg syrit të mediave dhe policisë dhe jep udhëzimet e fundit për djegjen e një banke në mbrëmje. Pasi policia arrestoi mbi 60 protestues, organizatorët e vërtetë nuk u përmbajtën, por dolën hapur pa dashje, duke u dekonspiruar më në fund.
Turmat e vandalëve, të udhëhequra nga Gjin Gjoni, Gent Strazimiri, Adriana Kalaj dhe disa deputetë, të cilëve askush nuk ua ka dëgjuar zërin në Parlament, fillimisht sulmuan komisariatin nr. 3. Pasi dështuan, këta i udhëhoqën vandalët e maskuar si studentë në mësymjen ndaj komisariatit nr. 2, në zonën e 21 Dhjetorit.
Ndërsa Gjini me shokë rrinë para komisariatit, dhjetëra vandalë dallohen teksa kalojnë kangjellat rrethuese, futen në oborrin e komisariatit dhe sulmojnë dhunshëm çfarëdo që u del përpara. Asnjë reagim nga policia.
Më tej, siç shihet edhe në videon më poshtë, ata i vunë flakën një makine policie, e cila shihet tërësisht e shkrumbuar.
Por çfarë kërkojnë deputetët e PD-së nëpër komisariate dhe çfarë lidhjeje kanë me studentët inekzistentë? Këtë do ta sqarojë sot Policia e Shtetit, në bashkëpunim me strukturat e shërbimit informativ.
Dëmet e bëra duhet të shlyhen dhe, pasi të merren të pandehur organizatorët, gjendja do të qetësohet. Pra, Sali Berisha, që flet për “luanët” paqësorë, dhe Gjinët me shokë duhet të vihen para drejtësisë, njëlloj si organizatorët e grushtit të shtetit të 14 shtatorit 1998, sot, më 14 tetor 2026, pas 28 vjetësh e një muaji./Tellalli.al