Mbrëmjen e djeshme gazetari i njohur Artan Hoxha ishte i ftuar në emisionin “Byro Politike” nga ku ngriti alarmin për situatën e krimit në të cilën ndodhet Shqipëria në përgjithësi dhe Shkodra në veçanti.
Teksa u shpreh se identifikimi i autorëve të krimeve të fundit të ndodhura në vendin tonë, është e vështirë për shkak se tashmë po përdoren vrasës me klergin, Hoxha komentoi edhe deklaratën e fundit të kryebashkiakes Voltana Ademi.
Kryebashkiakia Ademi në një takim me ministrin e Brendshëm Sandër Lleshaj dhe drejtorin e Policisë, Ardi Veliu tregoi hapur se është kërcënuar, por sipas Hoxhës ajo është kërcënuar shumë kohë më parë, por nuk ka folur.
“Sot (dje) ne dëgjomë kryetaren e bashkisë që thotë se jam e kërcënuar dhe po e pohon, por ajo nuk është kërcënuar sot por është kërcënuar edhe më parë por nuk ka folur. E rëndësishme është që janë ndërgjegjësuar të gjithë njerëzit atje”, u shpreh Artan Hoxha.