18 prilli është përcaktuar si data kur nga Aeroporti i Kukësit do të kryhet fluturimi i parë. Datën e zbuloi ministrja e Infrastrukturës, Belinda Balluku.
Një tjetër projekt ku po punohet intensivisht është Aeroporti i Vlorës, ku pas shpalljes së kompanisë fituese të koncesionit është parashikuar tashmë edhe data kur do të nisin punimet.
Pas nisjes së punimeve për aeroportin e Vlorës do të fillojnë përgatitjet për aeroportin e Sarandës. Një lajm i mirë është edhe nisja prej 28 Marsit e një linje të re fluturimesh Tiranë-Dubai.
Vendosja e një linje direkte fluturimesh me Dubain pritet, sipas ministres Balluku, të ketë një impakt direkt në sektorin e turizmit, por do të jetë një ndihmë e projekteve të tjera të mëdha që kompania Emar Grup do të realizojë në Durrës dhe në Tiranë.