Pas zhurmës që ka ngjallur futja e Doktorit në listën e zezë të SHBA, vendim që ndërpreu për pak dhe turin afrikan të Fevzos, ky i fundit i shpjegoi Bilushit të Metës përse amerikanët e morën këtë vendim:
“Ajo që më ka bërë përshtypje është se vendimi është marrë për veprimtarinë e Doktorit pas vitit 2013, kur iku nga pushteti.
Kjo më ngushëllon dhe mua, pasi duke qenë se kam qenë mik me të për tetë vite në pushtet, kam dhënë kontributin tim që ai të mos gabojë.
Kështu, përmes miqve të mi në Uashington, u interesova të realizohej vizita e Bushit në Shqipëri, të shpallej pavarësia e Kosovës dhe të hynim në NATO.
Po ashtu u investova që Doktorin ta mbronin më 21 janar dhe të mos e përzienin me videoskandalin e Metës.
Por në fund të pushtetit, Doktori filloi të gabojë.
Kur dikush në emisionin tim përmendi Argitën si të korruptuar, ai më fiku telefonin dhe nuk erdhi më në emision.
Unë në fakt e ruajta qetësinë.
Më pyetën amerikanët çfarë ka Doktori që nuk vjen tek ty?
Iu thashë se i ka ngelur qejfi që në emision tim, u tha që Argita është e korruptuar.
Por unë nuk bëj pazar me të vërtetën.
Po e tha dikush, e lë ta thotë deri në fund.
Ai u mërzit dhe nuk shkeli më në emisionin tim derisa iku nga pushteti.
Pastaj erdhi fushata elektorale dhe ai në vend të vinte tek Opinion të mbrohej, shkoi në një emision qesharak si ai i Çanit.
Aty shqiptarët i hoqën vizën dhe humbi thellë.
Pasta ai nuk erdhi për shumë vite.
Amerikanët më pyesnin pse nuk vjen?
Unë iu thosha ka frikë nga reforma në drejtësi.
Pastaj kaluan vite dhe ai erdhi në emision.
Ishte i penduar, por nuk i rashë në sy
Më tha në konfidencë që ‘më ka munguar emisioni jot dhe mu vështirësuan raportet me amerikanët’.
I thashë është vonë, tani nuk të ndihmoj dot, por do përpiqem.
Dhe në fakt u përpoqa, por ai ndërkohë ishte bërë bashkë me Metën dhe ishte e vështirë.
Nuk ishte e lehtë t’i ndihmoja të dy.
Situata u rëndua dhe më shumë, pasi ai shkoi prapë më shumë tek Çani se sa tek emisioni im. Aty hoqa dorë.
I thashë tani të të mbrojë Çani, unë nuk të ndihmoj dot.
I ka ngel pak qejfi, por atë ditë që e dënuan më erdhi keq.
Isha nis për Zanzibar dhe u ktheva. Bëra emisionin pastaj ika prapë.
Por dhe atje nuk isha i qetë. Më shqetësoi si lajm.
Them të bëj një libër për këtë gjë, këtë javë”.