Dje, sot, nesër dhe çdo ditë, marrëzitë dhe degradimi i të ashtëquajturës opozitë, ku janë mbledhur tufa e batakçilerëve më të pafytyrë që ka parë ky vend, nuk ka limit, më një guxim çmendurak të sjellurit si zotërinj, që gjëmat e tyre i kanë harruar, e me një pafytyrsi të paskajshme tmerrësisht të frikshëm… i shesin si trimëri.
1-
Nuk besoj se ka shqiptarë, që e ka harruar aktin e tradhëtisë kombëtare të Sali Berishës dhe Lulzim Bashës ku me tam-tame dhe borie, me puthje dhe kafshime, me Micotaqin e parë dhe të bijën Dorën, nënshkruan marrëveshjen e famshme, jo të zgjerimit me 12 milje por të faljes së 350 km katror det.
Sot, flasin e hungërasin se na qenka shitur deti, pa asnjë letër, me muhabet goje dhe gojoresh… pas mullarëve të Athinës.
Na dinë për viktima me nivelin e tyre intelektual dhe kanë humbur sensin e realitetit, duke na e matur durimin me inteligjencën e tyre dhe të lolove të klonuar që rrinë pas tyre, që u duket deti si sufllaqe që mund të shitet në dyqane hamburgeri, por harrojnë se edhe atje duhet një faturë tatimore.
2-
Nuk besoj se ka shqiptarë që ka harruar, se si shqiponja e PD dhe e Berishës furnizonte me naftë makinerinë e luftës serbe, kur gjithë bota i kishte vendosur embargo dhe Shqipëria e Berishës mblidhte miliona dollar, me gjakun e shqiptarëve të Kosovës dhe i bënte sfidë partnerëve kryesor SHBA dhe BE.
Janë këto batakçinjë që sot na hiqen si patriot dhe akuzojnë qeverinë shqiptare dhe pikërisht Edi Ramën, që do na coptonte Kosovën. Vërtetë askush nuk e ka parë Ramën se si dhe çfarë ka kërkuar për Kosovën në mes të Beogradit?! Vërtetë ka tagrin Rama të ndaj trojet e një shteti tjetër me Serbinë, Turqinë, Greqinë apo Italinë?! Nëse dikush na e argumenton si dhe me ç’të drejtë atëherë vlerat e Ramës si politikan qenkan jashtë parashikimeve të çdo qytetari, pozitari, opozitar edhe fshatar që e ha kashtën për bar.
Mos u tallni o tutor karrigesh pushteti! Seriozisht na dini kaq budallenj dhe tru shplarë? Për kujtesë takimi i fshehtë i Berishës me Milosheviçin dhe dakordësia për të refuzuar Rambujen, bëri që Rugova dhe Kosova t’ia mbyllte derën një herë e mirë këtij perversi delirant, që merrte përsipër shërbesa të rrezikshme antikombëtare, kur gjysma e kombit ishte në tehun e thikës së ekzistencës së saj. Ky është fakt, por i mbuluar me mister, po aq sa zhdukje e dëshmitarit okular biznesmenit Remzi Hoxha.
Kur dëgjon heroin Sali me disa heronj të zgërlaqur nëpër bordello partish, se paskan shpëtuar Kosovën nga ndarja dhe shkëmbimi i territoreve të vjen të nxjerrësh zorrët e barkut. Edhe nësë do ndodhte, një marrëveshje e tillë nuk e ndalonte as Saliu dhe nuk e aprovonte as Rama, por institucionet legjitime të shtetit të Kosovës. Pra kjo nuk është gjë tjetër veçse një mburrje idiote e zotrinjëve të llumit politik… batakçilerëve!
3-
Ju kujtohen 1500 kontenierët me plehra që “do mbysnin” Shqipërinë?! Sigurisht që po, sepse ishte një intrigë e paharrueshme, por e trash, e krijuar nga mendje trashanikësh të qorruar. Mafia italiane merr para nga batakçilerët e kullës së barit Presidencë, për të përhapur panik, si në rastin e lëndëve kimike nga Lindja e Mesme, për të ngritur popullin në revolta, e që pastaj kodoshët e pushtetve… të vinin përsëri në pushtet.
Por s’qe e thënë, ortakët dhe zagarët italian përfunduan pas hekurave, ndërsa kryeqentë në Shqipëri qeshin e këndojnë, sepse Rama kënaqet me pak… i mjafton mos realizimi i qëllimit të tyre dhe harrojnë se veprime të tilla janë të botës së krimit.
Nëse vërtet do bëhet drejtësi, më e pakta këto “birat e kurvës” në pushtet, pa i fyer duke i mburrur si të aftë, të mos bëhen batakçilerë por çdo minutë, çdo orë, çdo ditë, të kërkojnë drejtësi, nëse mendojnë se ua lejon morali i tyre, që na duket jo fort i pastër… deri sa heshtin.
Të gjithë ata që mendojnë, për fatin e keq të tyre, se mund të na drejtojnë dhe shkatërrojnë, që kanë “harruar” se kush kanë qenë e se kush janë, duhet të presin shumë gjatë, deri kur t’i harrojmë ne… asnjëherë!/Ekskluzive.al