Reforma Zgjedhore mbetet tema më e diskutuar ditët e fundit pas arritje së marrëveshjes mes palëve në prezencën e ndërkombëtarëve, por opozita parlamentare nuk ka rëndë dakord dhe janë shprehur se nuk do ta votojnë në Parlament.
Gramoz Ruçi, priti sot në takim një grup deputetësh të opozitës, me kërkesën e tyre, për të diskutuar çështje të reformës zgjedhore.
Mësohet se ishin të pranishëm deputetët Krenar Rryçi, Kujtim Gjuzi, Selami Jenishehri, Vasil Steriovski dhe Zef Shtjefni.
Deputetët i paraqitën Kryetarit të Kuvendit kërkesat e tyre për përfshirjen në reformën zgjedhore të sistemit proporcional kombëtar, listave të hapura, heqjen e pragut elektoral, votimin e emigrantëve, identifikimin biometrik të votuesve, ndalimin e financimit të partive në fushatat zgjedhore nga buxheti i shtetit etj.
Ruçi, i garantoi deputetët opozitarë se propozimet për nismat ligjore t’i formulojnë e t’i paraqesin dhe ato do të diskutohen në Komisionin e Posaçëm të Reformës Zgjedhore, në komisionet e Kuvendit dhe në seancë plenare.
Sipas Ruçit, procedurat parlamentare që do të ndiqen nuk do të cënojnë aspak, por do të respektojnë plotësisht të drejtën e secilit deputet për të propozuar, diskutuar, shqyrtuar, votuar ose kundërshtuar nismat ligjore që paraqiten në Kuvend.
Nga ana tjetër deputeti Zef Shtjefni, u shpreh se këkojnë identifikimin biometrik dhe jo financimin e partive nga shteti.
‘Ne me firmën tonë dhe me veton tonë nuk do të shkruajnë fundin tonë. Këkojmë identifikimin biometrik dhe jo financimin e partive nga shteti’, tha ai.