Gjatë një marshimi proteste, zhvilluar sot në qytetin e Shkodrës për vrasjen në Tirane të 25 vjeçarit Klodian Rasha nga një punonjës i policisë, një grup protestuesish sulmuan godinën e Partisë Socialiste duke thyer fillimisht xhamat dhe, më pas, u futën në brendësi duke nxerrë jashtë materialet që gjetën brenda ndërtesës, të cilave i vunë flakën.
Forcat “Shqiponja” dhe ato të Ndërhyrjes së Shpejtë ndërhynë për largimin e grupit të protestuesve duke përdorur edhe gazin lotjesjellës./VOA