Rusia mund të sigurojë Bashkimin Evropian me 100 milion doza të vaksinës së saj Sputnik V kundër koronavirusit në tremujorin e dytë, njoftoi prodhuesi, Fondi Rus për Investime Direkte (RDIF).
“Pas përfundimit të pjesës kryesore të vaksinimit masiv në Rusi, RDIF mund të furnizojë BE me 100 milion doza të vaksinës Sputnik V për 50 milion njerëz në tremujorin e dytë”, (nëse EMA miraton), tha RDIF në twitter.
Vaksina Sputnik V është regjistruar në 15 vende dhe së fundmi dokumentacioni është dorëzuar në Agjencinë Evropiane të Barnave për regjistrimin e kësaj vaksine në BE.
Kujtojmë se aasi të reja të vaksinës ruse mbërritën në Serbi herët këtë mëngjes, një vend që po i merr pa asnjë drojë apo vetëkufizim.
Nga ana tjetër, Hungaria është anëtari i parë i BE që miraton këtë vaksinë ruse dhe që do furnizohet më te.
Edhe Turqia gjithashtu ka marrë sasi Sputnik V.
BE ende nuk ka ndonjë reagim për këtë ofertë nga Moska, e cila ngjan dhe si një sfidim përballë faktit që Europa po shfaq një krizë në politikat e vaksinimit.
Kujtojmë gjithashtu se një ofertë nga Moska iu bë dhe Shqipërisë për vaksina Sputnik V, por që Rama ia “ktheu shpinën”, madje duke e quajtur dhe provokim.
