Kryeministri Edi Rama sërish ka sjellë në vëmendje ndryshimet e ndodhura në vend pas ardhjes së PS-së në qeverisje.
Pas depos farmaceutike të QSUT-së, ai ka publikuar disa foto nga Korça. Ai thotë se qyteti ka ndryshuar si nata me ditën, ku dje lëngonte nën pluhurin e harresës, ndërsa sot hap dyer të reja bujtinash, baresh, restorantesh, aktivitetesh lloj-lloj, të cilat tërheqin gjithnjë e më shumë vizitorë.
“S’ka më të verbër se sa ai që nuk do të shikojë, por Korça nga dje sot nuk ka ndryshuar si nata me ditën veç në dukje, po edhe në të ardhurat e ekonomisë vendore, që dje lëngonte nën pluhurin e harresës, ndërsa sot hap dita-ditës dyer të reja bujtinash, baresh, restorantesh, aktivitetesh lloj-lloj, të cilat tërheqin gjithnjë e më shumë vizitorë në qytetin që sot e kupton pse të moçmit e quanin, “Parisi i Vogël” i Shqipërisë. Me qendrën e re të kodimit e të start up-eve për të rinjtë, Korça e Mandatit të Tretë do të kthehet edhe në një destinacion dijeje për punësim në tregun global të shërbimeve digjitale”, shkruan Rama.
