COVID-19 është shndërruar në betejën parësore për çdo shtet në botë. Mirëpo sipas të dhënave provizore të lëshuara të mërkurën, 31 mars, nga CDC, Covid-19 ishte shkaku i tretë kryesor i vdekjeve në Shtetet e Bashkuara gjatë vitit 2020, pas sëmundjeve të zemrës dhe kancerit.
Shkalla e vdekjes nga viti 2019 në 2020-ën u rrit me 15.9%. Të dhënat e hershme treguan se 10 shkaqet kryesore të vdekjeve ishin:
1. Sëmundje të zemrës
2. Kanceri
3. Covid-19
4. Lëndime të paqëllimta
5. Goditje në tru
6. Sëmundja kronike të frymëmarrjes
7. Sëmundja e Alzheimerit
8. Diabeti
9. Gripi dhe pneumonia
10. Sëmundje të veshkave
Studiuesit në Qendrën Kombëtare të Statistikave Shëndetësore analizuan të dhënat e certifikatave të vdekjes nga Sistemi Kombëtar i Statistikave, duke marrë një vështrim nga afër të vdekjeve të banorëve të SHBA-së midis janarit dhe dhjetorit të vitit 2020.
“COVID-19 ishte shkaku i tretë kryesor i vdekjes në 2020, duke zëvendësuar vetëvrasjen si një nga 10 shkaqet kryesore”, shkruajnë studiuesit në raport. Vetëvrasja më parë ishte shkaku i 10-të kryesor i vdekjes, por u përplas nga lista për vitin 2020 ndërsa vdekjet për shkak të Covid-19 u rritën
Të dhënat janë ende provizore – kështu që shifrat e sakta dhe nivelet e vdekjeve mund të ndryshojnë kur të merren informacione shtesë.