Pas keqësimit të raporteve të Presidentit dhe Doktorit me SHBA, dhe pas rrezikut që këtë javë Presidenti të shkarkohet, Bilushi i Metës bëri publik një plan surprizë për të fituar betejën në minutën e fundit.
Plani është vazhdim i strategjisë elektorale të Presidentit, për të fituar mbështetje me dekorata.
Në këtë kuadër Presidenti ka vendosur që nga e hëna deri tek e mërkura të dekorojë 5 personalitete të larta të SHBA.
Sekretari i Shtetit Blinken dekorohet me Urdhrin e Flamurit, për veprimtarinë e tij të përhershme në favor të Shqipërisë.
Ndihmës Sekretari Palmer dekorohet me urdhrin Gjergj Kastriot Skënderbeu, për kontributin e tij në paqe Ballkanike, ashtu si Skënderbeu.
Ambasadoren Yuri Kim, me medaljen e Skënderbeut të Klasit Parë për rolin e saj si organizatore dhe mikpritëse e stërvitjes Defender 21 dhe kujdesit qe tregoi gjatë qitjes ne Malin me Gropa, te mos vriste asnjë njeri.
Ish ambasadorin Donald Lu, me dekoratën “Mjeshtër i madh”, për kontributin e dhënë për Reformën ë Drejtësi në bashkëpunim me Presidentin Meta.
Ish ambasadorin Arvizu Mjeshtër i Madh për vlerësimet e larta që ka pasur për lidershipin PD LSI.
Dekoratat do të bëhen publike deri ditën e martë. Kështu të mërkurë, kur shumica të tentoj të shkarkoj presidentin, ai do ti akuzojë ata se po e shkarkojnë ngaqë janë antiamerikanë dhe janë mërzitur nga dekorimet që Presidenti u ka bërë udhëheqësve dhe diplomatëve amerikanë.
Kjo do ta fus në një spiral të vështirë Edi Ramën dhe ai do detyrohet të anuloj shkarkimin.