Dalin në dritë të tjera detaje nga sekuestrimi i sasisë rekord prej 1.4 tonë kokaine në Malin e Zi.
Mediat fqinje raportojnë se autoritetet kanë arrestuar dy shtetas, përkatësisht Budo Krstović, 66 vjeç, dhe Marina Krstović, 27 vjeç. Mediat malazeze kanë publikuar pamjet e momentit kur transportohen i ati dhe e bija në ambientet e prokurorisë për t’u marrë në pyetje.
Droga ishte nisur nga vendet e Amerikës Latinë për në portin e Tivarit dhe ishte e ndarë në 1205 pako, një pjesë e të cilave kishte sipër mbishkrimin “Covid”.
Policia futi në kurth transportuesit e kokainës duke i lënë të kalonin në port për të mësuar destinacionin e tyre më pas arrestuan i ati me vajzën.