Juristi Romeo Kara ka reaguar pas deklaratës së Lulzim Bashës së PD do t’i prijë betejës popullore për ndryshim për largimin e këtij regjimi politik.
Përmes një postimi në rrjetet sociale, Romeo Kara shkruan se PD-ja fillimisht duhet t’i prijë betejës për të pastruar llumin brenda vetes.
Postimi i plotë:
PD t’i prijë betejës për të pastruar llumin brenda vetes, llumin e korrupsionit berishian, që përveçse Shqipërisë po kërcënon edhe vetë SHBA-në.
PD-ja tashmë nuk ka më as moralin dhe as takatin t’i prijë më asnjëje tjetër.
Më e mira dhe më e mundshmja që PD mund të bëjë, është që të shpërndahet përfundimisht, duke tërhequr këmbën zvarrë edhe për PS-në, LSI-në etj.
Jemi të tejngopur nga maskarada e kësaj politike dhe drejtimi i hajdutëve.
Vendit duhet t’i prijnë vetëm forca të reja politike.