Stilisti i njohur i rrobave për meshkuj për Louis Vuitton, Virgil Abloh ka humbur betejën me kancerin në moshën 41-vjeçare.
Kompania franceze LVMH tha këtë të dielë se Abloh u nda nga jeta pas një beteje të gjatë disa vjeçare me sëmundjen e rëndë.
“Jemi të shokuar nga ky lajm”, tha pronari i kompanisë Bernard Arnault. “Virgil nuk ishte vetëm një dizajner gjeni, një vizionar; ishte gjithashtu një njeri me shpirt të bukur dhe me mençuri të madhe”.
Pavarësisht betejës me sëmundjen e rëndë, ai nuk hoqi kurrë dorë nga krijimtaria dhe dizajnimi, duke u bërë frymëzim për shumë të tjerë. Abloh kishte hapur edhe kompaninë e tij të veshjeve “Off-White”.