Ish-kreu i Aleancës Kuq e Zi, Kreshnik Spahiu ka reaguar përmes një postimi në rrjetet sociale për protestën e dhunshme që u zhvillua dje nga ish-kryeministri Sali Berisha në selinë e PD-së.
Spahiu shkruan se erdhi dita e madhe kur politikanët tanë po hanë kokat e njëri-tjetrit dhe një jetë e re po lulëzon mes gërmadhash.
Jo vetëm kaq, por Spahiu paralajmëron se mbi këto rrënoja do rindezin zjarrin KuqeZi, duke lënë kështu të nënkuptuar edhe rikthimin e tij në politikë.
“Erdhi dita e Madhe: Po hanë kokat e njëri-tjetrit
E vjetra shembet, kohët po ndryshojnë,
Një jetë e re po lulëzon gërmadhash.
Mbi rrënojat e tyre, do rindezim zjarrin KuqeZi….”, shkruan Spahiu.