Anëtari i Këshillit Kombëtar të PD-së, Regjisori Bujar Kapexhiu foli në emisionin “Kjo Javë” për protestat e opozitës duke u ndalur edhe tek sulmi ndaj Sali Berishes në protestën që u zhvilluar më 6 dhjetor.
Ndërsa foli për protestat Kapexhiu tha se duhet të jenë më fuqishme dhe më goditëse.
Pjesë nga intervista:
Kapexhiu: Shihen më në unitet se çdo herë tjetër dhe me qëllimin që besohet për të arritur pushtetin. Ka divergjenca që e bën këtë parti më të bashkuar. Nuk mendoj që një grup fare i vogël që mua më duket i çuditshëm se si kaloi në këtë anë konfliktuale.
Kam parë që oferta i është bërë, ‘ejani se bashkë mund të ndryshojë’, por para 1 viti kam pyetur çdo të bëhet dhe ai më tha ‘do të ndahemi’. Ata mesa duket e kishin të vendosur që do të ndahemi dhe këtë e mbajtën të fshehtë dhe sot është evidentë që nuk duan të bashkohen, por presin vendimin e logos dhe të godinës, vulës.
Ata këtë e presin , por në të vërtetë partia nuk është as godina, as logo, por në terren, ata njerëz që e mendojnë ndryshe.
Sulmi ndaj Berishës
Kapexhiu: Më rëndoi shumë në kuptimin njerëzor. Njëri shkon dhe qëllon një burrë të moshuar, një njeri. Vetë ky akt është i dënueshëm dhe është një akt kriminel.
Por nuk dua të them që këtë djalë e thërritën në zyrë, por erdhi si rrjedhojë e të gjitha marrëdhënieve që krijoi kryeministri, mazhoranca me opozitën. Mënyra se si flitet në parlament i japin rrugë këtyre akteve vagabondeske.
Si e shihni aksioni opozitar të deritanishëm?
Kapexhiu: Mendoj që protesta duhet të jetë dhe sa më e madhe. Pjesëmarrja në protesta tregon diçka, por kur shikoj reagimet , them se protesta duhet të jetë më e fuqishme më goditëse.
Edhe unë brenda vetes time lëviz në kuptimin e forcës të karakterit të protestës. Kjo mesa duket do të varet se deri ku do të shkojë mazhoranca me këtë sjellje arrogante.