Ndonëse fushata për zgjedhjet e 14 majit nuk ka filluar zyrtarisht, Sali Berisha ka nisur një tur prezantimesh të kandidatëve të tij në bashkitë e vendit. Por për organizimin e kësisoj takimeve ka një sërë shpenzimesh logjistike që fillojnë nga:
Qiraja e sallës së takimit (500 euro)
Regjia (2000 euro)
Ndriçimi i sallës (1000 euro)
Fonia (1000 euro)
Baner qendror (500 euro).
Pra kostoja e çdo takimi shkon në 5000 euro. Nëse do të hidhnim një sy në agjendën e 10 ditëve të fundit të Berishës, ai ka realizuar 12 takime me kandidatët e tij nëpër bashki. Në total kostoja e 12 aktiviteteve shkon në 60 mijë euro për vetëm 10 ditë.
Pyetja që ngrihet është se kush i financon Berishës gati 200 mijë euro në muaj, ende pa filluar mirë fushata elektorale?
Ku i gjen këto para Sali Berisha, i shpallur nongrata nga SHBA-të për korrupsion madhor në qeverisje?
Në shpenzimet e mësipërme nuk po llogarisim shpenzimet e udhëtimeve të Berishës dhe stafit, dietat, shpenzimet për udhëtimin e pjesëmarrësve, drekat, darkat, kafetë etj, që e bëjnë koston edhe më të lartë.
Ja takimet e Berishës në 30 mars – 8 prill
1. Bashkia Fier – 8 Prill
2. Bashkia Durres – 8 Prill
3. Bashkia Vore – 7 Prill
4. Bashkia Kukes – 6 Prill
5. Bashkia Divjake – 5 Prill
6. Bashkia Tropoje – 4 Prill
7. Bashkia Has – 4 Prill
8. Bashkia Malesi e Madhe – 2 Prill
9. Bashkia Bulqize – 1 prill
10. Bashkia Diber – 1 Prill
11. Bashkia Vau i Dejes – 31 Mars
12. Bashkia Kruje – 30 mars