Takimi i Edi Ramës me Elon Musk dhe ftesa për të vizituar Shqipërinë e vuri Mulin në dilema të mëdha.
Thirri Lelon ta pyeste se çfarë rreziku shikon ai tek kjo ftesë.
-Nuk e di, tha Lelo, çfarë do këtu ai.
Ne internet kemi, s’kemi pse marim nga Starlink.
Makinat Tesla janë të shtrenjta. Satelitët i kemi ble nga SHBA.
Duhet të jetë ndonjë pazar i ngushtë dhe i pistë.
-Çfarë mund të jetë sipas teje, tha Muli?
-Kam një dyshim të madh, tha Lelo, por nuk e them dot. Nuk më bën goja.
-Thuaje. Ne duhet të jemi të përgatitur, tha Muli.
-Kam frikë se ai kërkon të implementojë teorinë e çipave në tru, tha Lelo.
Ti ndoshta nuk e di, por Elon Maks ka tru artificial.
D.m.th ka futur një çip në tru dhe ai i shton inteligjencën, ndaj ka bërë gjithë atë biznes.
Tani ai po kërkon një vend ku ta testojë këtë teorinë e tij.
Dhe Rama mund t’i ketë dhënë fjalën ta testojë tek shqiptarët.
Kjo do jetë tmerr. Po na futën çipin në tru, pastaj na komandon Rama.
Ka rrezik dhe unë e tij do votojmë për Ramën, se na komandon ai.
-Jo ore, tha Muli. Po kjo qenka tmerr.
-Lere, fundi i botës, tha Lelo.
-Po sikur, tha Muli, sikur ta takojmë këtë Musk dhe ta bëjë këtë gjë, që njerëzit të votojnë për Doktorin.
Do ishte e paparë, kur nuk e priste askush, t’i komandonim të gjithë e të votonin për Doktorin.
-Eh, nuk e di nëse ka përparuar aq shumë teknika, tha Lelo, se ky vë çipa inteligjentë.
Duhet një çip idiot për këtë gjë.