Izraeli nisi një sulm ndaj Iranit këtë të shtunë, teksa ministri i mbrojtjes shpalli gjendje të jashtëzakonshme në të gjithë vendin.
Israel Katz e bëri njoftimin ndërsa tym i dendur ngrihej nga një shpërthim në qendër të Teheranit, kryeqytetit të Iranit.
Televizioni shtetëror iranian e pranoi shpërthimin, pa dhënë më shumë detaje. Sirenat u dëgjuan në të gjithë Izraelin në të njëjtën kohë.
Ushtria izraelite tha se është vënë në “gatishmëri proaktive për të përgatitur publikun për mundësinë e lëshimit të raketave drejt shtetit të Izraelit”.
Tensionet midis Iranit dhe SHBA-së, tashmë të larta, janë përshkallëzuar që kur Irani filloi shtypjen e protestave mbarëkombëtare në fund të vitit të kaluar.