Dy ish-aleatët e vjetër, kryetari i ‘Shqipëria Bëhet’, Adriatik Lapaj dhe Avokati i Popullit Endri Shabani, janë përfshirë sërish në replika në distancë.
Lapaj përmes video-mesazheve të shpërndara në rrjetet sociale e akuzon Shabanin si tradhtar, që sipas tij bëri pazare politike dhe arriti të bëhej Avokat Populli, në kurriz të qytetarëve që votuan kundër Edi Ramës.
Në njërën prej videove, Lapaj ka shpërndarë pamje nga një moment kur Shabani takohet me kreun e Grupit të PS, Taulant Balla dhe ministrin Andis Salla, ç’ka sipas tij flet qartë për pazaret që ka bërë Avokati i Popullit, në kurriz të votuesve të koalicionit ‘Nisma Shqipëria Bëhet’.
Shabani ka denoncuar gjithashtu një incident që sipas tij ka ndodhur me aktivistin e partisë ‘Shqipëria Bëhet’, Mevlan Mata, të cilin e akuzon se ka shkuar pranë banesës së tij, së bashku me një kameraman, duke e filmuar dhe fyer teksa ishte duke pirë kafe me prindërit.
“Dje kryetari i Partisë Shqipëria Bëhet më sulmoi sërish (prej një viti tashmë), duke manipuluar një video ku përshëndesja dy deputetë. Si Avokat i Popullit raportoj çdo muaj në Kuvend dhe kam detyrim institucional të bashkëpunoj me të gjithë deputetët, pa dallim partie. Por edhe më parë, nuk kam besuar kurrë se kundërshtari duhet trajtuar si armik, aq sa mos i japësh dorën. Jam i bindur se edhe Adriatiku, i cili ka dalë vetë në video duke qeshur me të njëjtët deputetë, e di mirë këtë.
Sot, Mevlan Mata, aktivist i së njëjtës parti, erdhi me kameraman poshtë pallatit ku jetoj, për të më filmuar duke më fyer, ndërsa pija kafe me prindërit e mi. Mevlanin e njoh që në shkollë të mesme dhe më vjen keq që i duhet të japë shenja të tilla besnikërie ndaj partisë. Kritikën ndaj meje e pranoj, për sa kohë kam zgjedhur një detyrë publike. Por prindërit e mi të moshuar nuk e meritojnë të përfshihen në skena të tilla, sepse nuk janë pjesë e asnjë debati politik dhe nuk kanë asnjë përgjegjësi publike. Besoj fort që shtëpia dhe familja e çdo shqiptari duhet të mbeten të paprekshme, prandaj ky kufi nuk duhet kapërcyer”, thuhet në reagimin e Endri Shabanit.
https://www.instagram.com/reel/DfMudqbx1bi/?utm_source=ig_web_copy_link&rpxt=NTc4MTIwNjQ2YQ==
Ndërsa takimet e avokatit të Popullit janë rutinë pune me zyrtarë dhe përfaqësues të ndryshëm politik të mazhorancës, opozitës dhe me të gjitha instuticionet, Lapaj duhet të shikoj videon e skandalit të deputetes teze që është turp ta dërgosh roje çerdhje jo përfaqësuese të qytetarëve dhe të kërkoj falje për mashtrimin ndaj qytetarëve duke i mbushur listat me farefisin e tij nga nxënës pa asnjë arsim te kjo emigrantja që as shqip nuk di të flas.
https://www.facebook.com/reel/923084204075367
Ja sa bukur reciton Lapi:
“Ligji elektoral shqiptar nuk e lejon demokracinë, në kuptimin e mirëfilltë. Dhe për këtë po luftojmë. Janë listat e mbyllura 1/3, listat e hapura 2/3. Për ta tejkaluar këtë problem, unë në mirëbesim total me atë që ju thoni, për të dhënë shembullin e demokracisë në parti, nuk garova në listë të mbyllur dhe nuk e vura veten në listë të sigurt, sepse sot do isha në Parlament, por garova në listë të hapur, duke tejkaluar pengesën e sistemit. Dhe sistemi pastaj bëri çdo gjë dhe me firmat e PD-së e bëri Avokat Populli atë që u bë tradhtar i një ideje të re, të demokratizimit.
Kur Edi Rama më kërkoi përfaqësuesit e vet për të më bindur e joshur që të bëhesha dekor i pushtetit të tij të hajdutërisë, kuptova që Endri Shabani kishte bërë pazar për t’u bërë ministër, në kurriz të votës së atyre qytetarëve që votuan kundër Ramës. E refuzova me neveri dhe u përballa me sulme. Sot koha po na jep të drejtë sepse po dalin lakuriq të vërtetat e këtij sistemi”, tha mes të tjerash Lapaj, përmes video-mesazheve në rrjetet sociale.