Një aksident i frikshëm ka përfshirë futbollistin e Hull City-t, Sorba Thomas, vetëm pak orë para përballjes së skuadrës së tij me Chelsea-n.
27-vjeçari ishte përfshirë në një aksident pranë qendrës stërvitore të Hull City-t në Cottingham, ndërsa Land Rover Defender-i i tij përfundoi i përmbysur mbi çati në rrugën Millhouse Wood Lane. Pamjet e automjetit të dëmtuar u përhapën me shpejtësi në rrjetet sociale, duke shqetësuar tifozët e klubit.
Megjithatë, ajo që ishte edhe më e rëndësishmja ishte se Thomas doli plotësisht i padëmtuar nga aksidenti. Hull City reagoi menjëherë për të qetësuar tifozët, duke konfirmuar se futbollisti nuk kishte pësuar asnjë dëmtim.
Në vendngjarje mbërritën shërbimet e emergjencës dhe policia, ndërsa rrethanat e sakta të aksidentit nuk janë bërë të ditura.
Thomas iu bashkua Hull City-t nga Stoke City në ditën e fundit të merkatos, në një transferim me vlerë rreth 10 milionë paund. Anësori u aktivizua në debutimin e tij në Premier League ndaj Aston Villa-s dhe pritet të udhëtojë me skuadrën për ndeshjen e radhës ndaj Chelsea-t.