Një nga kompanitë e reja të internetit në Shqipëri është Digicom. Fillimisht kjo kompani premton shërbim të shpejtë, cilësor dhe me çmime të arsyeshme. Por kur nis kontratën me operatorët e Digicom, të tjera dëgjon dhe të tjera firmos.
Fillimisht kjo kompani të premton parajsën e internetit dhe një shërbim cilësor, por në fund të rrjepin me tarifa shtësë dhe aparatura që nuk i takon qytetarit që ti paguajë.
Nëse do të nënshkruash një kontratë me DIGICOM do të paguash edhe lekët e aparaturave që kushtojnë sa frëngu pulën. Klienti nuk ka pse të paguajë një aparaturë që në fund të fundit i përket kompanisë.
Problemi tjetër, është cilësia e internetit. Duke qënë se janë linjë e re, interneti ka probleme dhe shpesh herë shkëputet. Nëse merr në telefon operatorët, gjithnjë të shmangen dhe në fund të përgjigjen se do të dërgojnë një teknik, i cili vonon shumë për të ardhur dhe të riparojë defektet.
Qytetari në fund del i humbur. Operatorët e Digicomit, nëse je në një tratativë për të lidhur një kontratë, fillojnë dhe bëjnë muhabete si në Pazar të Stambollit. “Do paguani kaq CASH, tjerat nën dorë”, etj… Aspak profesionale dhe cilësore si një kompani.
Pronari i kësaj firme është Ilir Kulla, këshilltari i Presidentit Ilir Meta dhe vjehrri i tij Marsel Skendo. Ilir Kulla mbase po ndjek taktikën e partisë ku shërben (LSI): T’ia fusim popullit sa më shumë që të fitojmë sa më shumë./Pamfleti.com