Berisha, Shkëlzeni dhe dhëndri Jamarbri lajmërojnë largimin e Lulzim Bashës, nuk i mbron dot më nga rreziku i burgut dhe i sekuestrimit të pasurive të vjedhura. Përveç shkarkimit, Bashës tashmë i rrezikohet jeta sepse di shumë sekrete për familjen Berisha
Familja Berisha ka humbur përfundimisht besimin tek Lulzim Basha. Ky i fundit, jo vetëm po e largon për ditë e më shumë partinë nga pushteti, por tashmë nuk po i garanton familjes Berisha as mbrojtjen nga burgu, që ishte misioni kryesor i tij. Në drejtimin e Lulzim Bashës, Partia Demokratike po endet nga disfata në disfatë, duke dëshpëruar familjen Berisha, e cila partinë e ka gjënë më të shtrenjtë dhe jetike, për të mbrojtur pasuritë e vjedhura, për t’i shpëtuar burgut dhe për të ardhur sërish në pushtet.
Pesë vjet pasi e vendosën në krye të Partisë Demokratike, tashmë Lulzim Basha është zhgënjimi më i madh për familjen Berisha. Basha jo vetë nuk bëri asgjë për të bllokuar reformën në drejtësi dhe Vetingun, por shkoi e futi në brekushet e Edi Ramës, në maj të vitit të kaluar. Në një kohë kur Berisha i kishte caktuar si detyrë sabotimin e reformës, nga e cila vjen fundi i familjes, Berisha u kthyer në çunin e mirë i Edi Ramës.
Sali Berisha, Shkëlzeni dhe dhëndri Jamarbër Malltezi po përgatisin shkarkimin e Lulzim Bashës para zgjedhjeve lokale të 2019. Ditën djeshme, Sali Berisha, përmes një gazetari pranë tij, Agim Xhafka, i ka kërkuar Bashës që të largohet para zgjedhjeve nga Partia Demokratike. Kërkesa e Berishës erdhi ditën që organi i Vetingut përjashtoi nga sistemi i drejtësisë një nga gjyqtarët e Sali Berishës, Faros Lulo. Pas Lulos, në listët për t’u larguar janë të gjithë gjyqtarët dhe prokurorët e Sali Berisha dhe Ilir Metës nga drejtësia.
Nuk është e vështirë që të kuptohet se pas largimit të tyre, fshihet skenari për të çuar drejt burgut familjen Berisha dhe familjen Meta, dy familjet më të korruptuara dhe inkriminuara në Evropë. Largimin e njerëzve të tyre nga drejtësia, Meta dhe Berisha po e vuajnë heshtje, por Shkëlzeni nuk ka duruar dot. “Kërcënimet e Ramës në emër të komisionit të Vetingut i ulin “brekët” procesit”, shkroi Shkëlzeni pas shkarkimit të Fatos Lulos.
Jeta e Lulzim Bashës është në rrezik. Shkarkimi i tij dhe largimi drejt Holandës do të ishte skenari më i mirë. Por a do ta lejojë Sali Berisha Lulzim Bashën që të jetojë i qetë pasi ta shkarkojë? Kjo është dilema e madhe. Rreziku Lulzim Bashës i vjen pikërisht nga sekretet që di për familjen Berisha. Sekrete për familjen Berisha dinte edhe Sokol Olldashi. Në këtë situatë të rrezikshme, Lulzim Basha ka vetëm një zgjidhje, që të kërkojë mbrojte nga amerikanët siç bëri Luan Hoxha, i cili u kërcënuar me jetë nga Shkëlzeni që të mbyllte gojën për Gërdecin./Pamfleti.com