Shtetet e Bashkuara të Amerikës dhe Anglia kanë kërkuar dy herë arrestimin e Ilir Metës, i konsideruar nga OSBE në një raport sekret si koka e krimit, trafiqeve dhe korrupsionit në Ballkan. Në mes të vitit 2015, amerikanët kërkuan arrestimin e Ilir Metës, i dyshuar për implikim në një rrjet të fuqishëm ndërkombëtar droge.
Meta ishte zbuluar gjatë disa udhëtimeve në Karaibe, për të mbyllur marrëveshjet. Ilir Meta shpëtoi, pasi bashkë me Sali Berishën kontrollonin drejtësinë dhe e përdornin si mburojë e aferave të tyre 25-vjeçare.
Në krye të prokurorisë Meta dhe Berisha kishin Adriatik Llallën, i futur në listën zezë familjarisht nga amerikanët për mbrojtjen e politikanëve të korruptuar, ndërsa është marrë i pandehur nga SPAK për kalim të parave të pista në kufi. Llalla jo vetëm që nuk zbatoi kërkesën, por raportoi menjëherë tek Meta dhe Berisha.
Më vonë, Llalla i dërgoi një letër Kongresit Amerikan, ku akuzoi ish-ambasadorin Donald Lu se i kishte kërkuar arrestimin e Ilir Metës për shkak të bllokimit të reformës në drejtësi.
“Lu i sugjeroi Prokurorit të Përgjithshëm arrestimin e Ilir Metës, kryetar i Parlamentit dhe njëkohësisht kryetar i Lëvizjes Socialiste për Integrim. Në vlerësimin e z. Lu, Kryeparlamentari Meta ishte i korruptuar dhe po bllokonte Reformën në Drejtësi”, thuhej në letër.
Ambasadori Lu e mohoi, pasi në fakt arrrstimi nuk ishte kërkuar për pengimin e reformës në drejtësi, por për dosje të tjera.
“Ish-Prokurori i Përgjithshëm Llalla është një zyrtar publik i korruptuar dhe diskredituar, i cili është nën hetim aktiv për pastrim parash dhe pasuri masive të pashpjeguara. Nuk është për t’u habitur që vazhdon të flasë kundër reformës në drejtësi sepse tani rrezikon të shkojë në burg për korrupsionin e tij”, tha Lu.
Në rrethet politike dhe diplomatike u përfol se në fund të vitit 2017, shërbimet angleze zbarkuan në Tiranë me një tjetër dosje për Ilir Metën, tashmë për pastrim parash në Angli. Bëhet fjalë për zbulimin e 87 milionë paundë para trafiqesh dhe korrupsioni, të investuar në ndërtim. Pas tyre ishte Ilir Meta. I informuar për zbulimin, Meta nisi për Londër një biznesmen me inicialet I. H., i cili mori përsipër paratë. Megjithatë, dosja ishte për Ilir Metën, ndërsa anglezët kërkuan arrestimin.
Në krye të Prokurorisë ishte sërish Llalla, ushtari i Metës. Kur socialitët nisën procedurat për të zëvëndësuar Llallën me Arta Markun, Berisha dhe Meta e bënë sallën e Kuvendit tym dhe flakë. Bëhet fjalë për seancën kur Monika Kryemadhi qëlloi Ramën me çizme. Meta dhe Monika mendonin se me ardhjen e Arta Markut do merrnin fund dhe dosjet do të bëheshin publike.
Në fakt asgjë nuk ndodhi. Arta Marku eci në gjurmët e Adriatik Llallës. Shumë shpejt, Meta dhe Monika i ndaluan sulmet ndaj saj. Tashmë rreziku i ri për Ilir Metën e ka emrin SPAK. Meta i friksohet një hetimi, i cili do të nxirrte në pah të gjitha dosjet e tij. Kjo është edhe arsyeja se pse këto muaj po luan rolin e të shkalluarit. Kërcënimet me jetë ndaj Ramës janë një mesazh me qëllimin e vetëm për të frikësuar SPAK që të mos veprojë. Akuzat ndaj SHBA-BE për komplot dhe kërcënimi i kujtdo që i del para, janë një mesazh vetëm për prokurorët e SPAK./Pamfleti